ಮೌನಮವ
ಬಾಲ್ಯಸರಿದು ಹರೆಯ ಸುರಿದು
ತನುಮನ ಬಯಕೆಗಳ ಗೂಡಾಗಿದೆ
ಅಂಗಾಂಗಗಳಲಿ ಆಸೆ ಕಾರಂಜಿ ಪುಟಿದು
ಹೃದಯ ಹರುಷದಲಿ ಹಾಡಿದೆ
ಮಾತುಗಳು ಸದ್ದಿಲ್ಲದೆ ಸೆರೆಯಾಗಿವೆ
ಮನವೆಂಬ ಮೌನಕೋಟೆಯಲಿ
ಭಾವನೆಗಳು ಬಂಧಿಯಾಗಿವೆ
ಸಂಕೋಚದ ಸಂಕೋಲೆಯಲಿ
ಒಲವ ಕಣ್ಣೋಟ ಮನವ ಭೇದಿಸಿದೆ
ಪ್ರೀತಿಯ ಸೆಳೆತಕೆ ಮೌನ ಮರೆಯಾಗಿದೆ
ಭಾವಗಳು ಬಂಧ ಕಳಚಿ ಬಾನಲಿ ಹಾರಾಡಿವೆ
ಸಂಕೋಲೆ ಕೊಂಡಿ ಕಡಿದು ನಾಚಿಕೆ ನಸುನಕ್ಕಿದೆ
ಮೂರುಗಂಟ ನಂಟಿನ ತಾಳಿ ತಾಳ್ಮೆಯ ತರಲಿ
ಏಳುಹೆಜ್ಜೆಯ ಗುರುತು ಎಡವದೇ ಇರಲಿ
ತನುಮನಗಳ ಮಿಲನದಿ ನಾನಾದೆ ಸಂಗಾತಿ
ತಿಳಿಯದೇ ರತಿಮನ್ಮಥ ನಾಚಿದ ಸಂಗತಿ
*ರತ್ನಾ ಬಡವನಹಳ್ಳಿ*
- ರತ್ನಾಬಡವನಹಳ್ಳಿ
23 Jun 2018, 05:11 pm
Download App from Playstore: