.... ....
... .. ..
ಉರಿಬಿಸಿಲಲಿ ಬಳಲಲು
ಹೊಂಗೆ ಮರದ ತಂಪಂತೆ ನೀನು
ದಾಹಕೆ ಗಂಟಲು ಒಣಗಲು
ಸನಿಹದ ಸಲೆಯಲಿ ಹರಿವ ಜುಳು ಜುಳು ನೀರಂತೆ ನೀನು...
ನೀನಿಲ್ಲದೇ ನಾನಿರುತಿರಲಿಲ್ಲ ಅಮ್ಮ..
ಈ ಭೂಮಿಗೆ ನನ್ನ ತನುವನು ನೀಡಿ
ತನುವಿಗೊಂದು ಜೀವವ ನೀಡಿ
ಜೀವಕೊಂದು ಜೀವನವನು ನೀಡಿ
ಮನಕೆ ತಾಳ್ಮೆಯ ಬುದ್ದಿ ನೀಡಿ
ಮನಕೆ ಕನ್ನಡಿಯಾಗಿ
ಒಳಿತಿಗೆ ಪ್ರತಿದಿನ ಪ್ರಾರ್ಥನೆ ಮಾಡಿ
ಕುಡಿಗೆ ಗುಣಗಳ ಅರ್ಪಣೆ ಮಾಡಿ
ಮಕ್ಕಳಿಗೆಲ್ಲ ವ ದಾನವ ಮಾಡಿ
ಮಧುರ ವೃಂದಾವನದ ಯಶೋಧೆಯಂತೆ
ಕಂಗೊಳಿಸುವ ನಿನ್ನ ದರ್ಶನದಲ್ಲಿ ದೇವರ ಕಾಣುವೆನಮ್ಮ..
ಕಾಳ ರಾತ್ರಿಯಲಿ ದೀಪವಾಗಿ
ಕಷ್ಟದ ದಿನಗಳಿಗೆ ಜೊತೆ ಜೊತೆಯಾಗಿ
ಅಧೈರ್ಯ ತುಂಬಿದ ಮನಕೆ ಧೈರ್ಯವಾಗಿ
ಸೋತ ಮನಸ್ಸಿಗೆ ಹುರುಪಿನ ಕನಸುಗಳಾಗಿ
ಎಲ್ಲವ ನೀಡಿ ಏನು ಬಯಸದ ಕರುಣಾಮಯಿ ನೀನಮ್ಮ...
ಆಡದೆ ಕೇಳದೆ ಮನವನು ಅರಿತು ಆಶೀರ್ವಾದದಿ ವರವನು ಕೊಡುವ ನನ್ನಯ ದೇವರು ನೀನಮ್ಮಾ...
ನೀನಿಲ್ಲದೇ ನಾನಿಲ್ಲಮ್ಮ...
ಅಮ್ಮ ಅಮ್ಮ ನನ್ನಯ ದೇವರು ನೀನಮ್ಮಾ...
- Manju..
23 Jun 2018, 07:59 pm
Download App from Playstore: