ಕಣ್ಣೀರ ಮೀನೇ..
ಕಣ್ಣೀರಲ್ಲಿ ಆಡುತಿರೋ ಮಿಂಚುಳ್ಳಿಯ ಮೀನೇ
ನಿನ್ನ ಒಳ ಗುಂಡಿಗೆಯಲಿ ಇರೋ ಬಣ್ಣವಾದರು ಏನೇ ?
ಹಿಡಿಯಲು ಹೋದರೆ ಜಾರಿ ಹೋಗೋ ಜಾಣೆ
ಬಳಿಯಲ್ಲಿ ಬಂದರೆ ಈ ನಾಚಿಕೆ ಏಕೋ ಕಾಣೆ.
ಎಲ್ಲೋ ಹುಟ್ಟಿ ಏನೋ ಮುಟ್ಟಿ ಹೇಗೋ ಬೆಳೆದೆ ನೀನು
ಕನಸು ಕಟ್ಟಿ ಗುಂಡಿಗೆ ತಟ್ಟಿ ಕೂಡಿಕೊಂಡೆ ನಾನು
ಇದು ಈರ್ವರೂ ಸೇರಿ ಹೊಸೆದ ಕಾದಲ ಹಾರವೇನೋ
ಅದು ನೂರು ಏಡುಗಳ ದಾಟಿ ತಾಳಿಕೊಳ್ವದೇನೋ..
ಹೆಜ್ಜೆಗಳು ಒಂದೊಂದೂ ತುಂಬಾ ವಜ್ಜೆಯಂತೆ
ಮಜಲುಗಳು ನೂರಾರು ಸುಡುವ ಮೆಟ್ಟಿಲಂತೆ
ನಡೆವ ಹಗ್ಗ ತೂರಾಡಿ ತಲೆ ಸುತ್ತುತಿಹುದು
ನೆಲ ಮಾತ್ರ ಎಟುಕದಂತೆ ದೂರ ಸಾಗುತಿಹುದು..
- ಶ್ರೀಗೋ.
28 Jun 2018, 08:11 pm
Download App from Playstore: