ಬೆಳಕ ನೀಡುವ ಹೆಣ್ಣು
ತನ್ನ ಸುಟ್ಟರೂ ಬೆಳಕ ನೀಡುತಲೇ ಇರುವ
ದೀಪದ ಬುಡದಲ್ಲಿ ಬೆಳಕ ಚೆಲ್ಲುವರಾರು!!
ಮಂದಹಾಸದಿ ನಗುತ ಹೆಣ್ಣು ಮನೆ ಬೆಳಗಿರೆ
ಅವಳ ಮನ ತಣಿಸುವ ಆ ಬಂದು ಯಾರು!!
ಸಿಡಿಲ ಬಡಿತವ ತಡೆವ ಕೋಟೆಯು ಇವಳು
ಸಂಸಾರವನು ಸಲಹುವ ದೇವಿ ಇವಳು!!
ಕನಸುಗಳ ಹಡೆದಿರುವ ಮಾತೆ ಇವಳಾಗಿರೆ
ಮಮತೆಯ ಮಡೆಲೇ ಎಲ್ಲರ ತವರು!!
ಎಲ್ಲರ ಹಿತಕಾಗಿ ಬಸವಳಿದು ದುಡಿಯಲು
ಪಡುವ ಹೆಣಗಾಟವ ಬಲ್ಲವರು ಯಾರು!!
ಹೆಣ್ಣ ಈ ಬದುಕಿನ ಆಟದ ಕೊನೆಯ ದಿನ
ಮಸಣದಲಿ ನೆಮ್ಮದಿಯ ಕೊಟ್ಟವರಾರು!!
- ಪಿ.ಜಿ.ಜ್ಯೋತಿ
18 Jul 2018, 10:53 am
Download App from Playstore: