ನಿನ್ನ ಮಾತುಗಳು...
ನಿನ್ನ ಮಾತುಗಳು ಬೇಸಿಗೆಯಲ್ಲಿ
ಅಚಾನಕ್ ಬೀಳುವ ತುಂತುರು ಮಳೆಯಂತೆ,
ಬಿಸಿಲಿದ್ದರೂ ಹನಿ ಉದುರಿ
ಬಾನು ಬುವಿಗೆ ಕಾಮನಬಿಲ್ಲು ಮುಡಿದಂತೆ..
ಹರವಿನ ಕೆರೆಯ ನಡುವಲ್ಲಿ ಕಂಪಿಡುವ
ಕೇದಗೆಯ ಹೂವು ಬಿರಿದಂತೆ..
ಕೇಂದೋಕುಳಿ ಚೆಲ್ಲಿದ ಸಂಜೆಯಲಿ
ಚಂದ್ರ ಅಪರೂಪಕ್ಕೆ ಬಂದು ನಕ್ಕಂತೆ!
ಪಂಚವರ್ಣ ಗಿಳಿಯೊಂದು ರೆಕ್ಕೆ ಬಿಚ್ಚಿ ನಲಿದು
ಕನ್ನವಿಲನು ಅಚ್ಚರಿಗೊಳಿಸಿದಂತೆ..
ವಸಂತ ಕಾಲದಲ್ಲಿ ಮಾತ್ರ ಕೂಗುವ
ಕೋಕಿಲದ ಇಂಚರದ ಸಂಗೀತದಂತೆ..
ಬೆಂಗಾಡಿನಲ್ಲಿ ತಂಪೆರೆಯುವ
ತಿಳಿ ನಿರ ತೊರೆಯಂತೆ..
ಯಾವಾಗಲೋ ಒಮ್ಮೆ ಅರಳಿ
ಕಣ್ಮನವ ಸೆಳೆವ ಕುರಿಂಜಿ ಹೂವುಗಳು
ಅಪರೂಪಕ್ಕೊಮ್ಮೆ ಹೊರಳಿ
ಕಿವಿಗಡರಿ ನಲಿಸುವ ನಿನ್ನ ಮಾತುಗಳು...
- ಶ್ರೀಗೋ.
07 Aug 2018, 09:06 pm
Download App from Playstore: