ನೀನೇಕೆ ಕನಸಾದೆ
ನೀನೇಕೆ ಬರಿ ಕನಸಾದೆ ಒಲವೇ
ಕನಸಲೂ ನಿನದೇ ಕನವರಿಕೆ ಜೀವವೇ
ನೀ ನೆನಪಾದರೆ ನಾ ಮೌನಿ
ನಿನ್ನ ನೆನಪಲೆ ಸದಾ ಧ್ಯಾನಿ
ಭುವಿಯ ಬಯಸಿ ಬಿದ್ದ ಮಳೆಹನಿ
ನೆನೆಸಿ ನೋಯಿಸಿ ತರುತಿದೆ ಕಂಬನಿ
ನೀನೇಕಾದೆ ಎಲೆ ಅಂಚಿನ ಇಬ್ಬನಿ
ಹಿಡಿದರೆ ಜಾರಿ ಹೋಗೊ ನೀರಹನಿ
ಬೆಂಕಿಹಚ್ಚಿ ನಡೆದೆ ಕಂಡ ಕನಸಿಗೆ
ನೀನೆ ಬೇಕಿದೆ ಅರೆಬೆಂದ ಮನಸಿಗೆ
ಕೈ ಹಿಡಿದು ನಡೆವಾಸೆ ಜೊತೆಜೊತೆಗೆ
ಶರಣಾಗಲಾಗದೆ ನನ್ನೊಲವ ಈ ಪ್ರೀತಿಗೆ
ಸಾಲು ಸಾಲು ಕನಸ ಮಳಿಗೆ ತೆರೆದು
ಕಾದು ಕುಳಿತಿರುವೆ ನಿನಗೆ ಹಾತೊರೆದು
ಬಂದುಬಿಡು ಒಲವೇ ಪ್ರೀತಿಧಾರೆ ಎರೆದು
ನಾ ನಿನ್ನ ಪ್ರೇಮಬಂಧವ ಹೊಸೆದು
- ಶ್ರೀಕಾವ್ಯ
27 Aug 2018, 10:50 pm
Download App from Playstore: