ಸವಿರಾತ್ರಿ ಗೆಳತಿ..
ಸುರಿವ ಮಳೆ ಹನಿ ಹೇಳಿದೆ ಕೂಗಿ
ಮಲಗು ಮಲಗು ಗೆಳತಿ ಹೊತ್ತಾಯಿತು ಎಂದು
ಕನಸಲ್ಲಿ ಕಾರ್ಮೋಡ ಕಾದಿಹುದು
ಸುಂದರ ಕತೆ ಹೇಳಿ ರಾತ್ರಿಯ ದಾಟಿಸಿ
ನಾಳೆಗೆ ನಿನ್ನ ತಲುಪಿಸಲೆಂದು..
ಆ ಚಂದ್ರಮ ಎಲ್ಲೋ ಮರೆಯಾಗಿರುವ ಗೆಳತಿ,
ಒಂದು ನಲ್ನುಡಿಯ ಹೇಳುವುದನು ಮರೆತು..
ಬಾನಲ್ಲಿ ನಡೆದಿದೆ ಮೋಡಗಳ ಕಳ್ಳಾಟ
ನಿನ್ನ ತಂಪಲ್ಲಿ ತೇಲಿಸಲು ಏಕೋ ನೂಕಾಟ..
ನಿದ್ರಾ ದೇವಿ ಕಾದಿಹಳು ನಿನ್ನ ಆವರಿಸಿ,
ನೇವರಿಸಿ ತನ್ನ ತೆಕ್ಕೆಯಲ್ಲಿ ಸಂತೈಸಲು..
ದಣಿದ ನಿನ್ನ ಕಂಗಳಿಗೆ ಬರಲಿ ಸುಖ ನಿದ್ರೆ
ಸಾಲುಗಟ್ಟಿ ನಿಂತ ಕಪ್ಪು ಬಿಳುಪು ಕನಸುಗಳಿಗೆ
ಬಣ್ಣ ಬಳಿವ ಕೆಲಸ ರಾತ್ರಿ ಪುರಾ ನನಗಿರಲಿ,
ಒಂದೊಮ್ಮೆ ಎಚ್ಛೆತ್ತರೆ ನೀನು ಹೊಂಗನಸ
ಹೊದಿಕೆ ಸರಿಪಡಿಸಲೇನು..
- ಶ್ರೀಗೋ.
26 Sep 2018, 10:14 pm
Download App from Playstore: