ಅವಳು
ಅವಳು ಹಾಗೆಲ್ಲ ಬರುವುದಿಲ್ಲ
ಸಾರಾಯಿ ಅಂಗಡಿಗೆ
ಎಳೆತರಲಾಗುವುದು ಅವಳನು
ಮತ್ತ ಗಂಡಸರ ಮಾತುಗಳಲಿ
* * *
ಈ ಜನನಿಬಿಡ ಮಾರುಕಟ್ಟೆಯಲಿ
ನೂಕು ನುಗ್ಗಲಿನ ಸರತಿ ಸಾಲಿನಲಿ
ನಮ್ಮ ಕವಿಯೂ ನಿಂತಿದ್ದಾನೆ
ತನ್ನ ನಾಲ್ಕು ಸಾಲಿನ ಕವಿತೆಗೆ
ನಾಲ್ಕು ಹೊಗಳಿಕೆಯ ಮಾತು
ಬರೆಸಿಕೊಂಡು ಹೋಗಲು
* * *
ವಿಶ್ವದ ಯಾವುದೋ ಮೂಲೆಯ
ಅದ್ಭುತವನು ಕಾಣಲು
ಪ್ರವಾಸ ಹೋದವನು
ನಿಬ್ಬೆರಗಾಗುವುದು
ತನ್ನ ನೆರೆಯವನನು ಅಲ್ಲಿ ಕಂಡು
* * *
ಕೇಳುವ ಕಿವಿಗಳಿದ್ದರೆ
ಕರಟಿದ ಪಾತ್ರೆಗಳೂ
ಒಂದರೆಗಳಿಗೆ ಕೂತು
ಅಡುಗೆಯವಳ
ಕಮರಿದ ಬದುಕಿನ
ಕಥೆ ಹೇಳುತ್ತಿದ್ದವು
* * *
ಈ ಜನರಿಗೇನಾಗಿದೆಯೋ
ಹಣ ಕೊಟ್ಟು
ಇಷ್ಪಿಷ್ಷೇ ಖರೀದಿಸುತ್ತಿದ್ದಾರೆ
ಉಚಿತವಾಗಿ ಸಿಗುವ
ಪ್ರೀತಿಯನು
- ಕಾದಂಬಿನಿ
- ಕಾದಂಬಿನಿ
03 Oct 2018, 11:03 am
Download App from Playstore: