ಪುಟ್ಟ ಕೂಸು
ಪುಟ್ಟ ಕೂಸೊಂದು ಮಡಿಲಲ್ಲಿ ಇಂದು
ಆಡಿ ನಗುತಿಹುದು ವರವಾಗಿ ಬಂದು!!
ಕಂಡ ಕನಸೊಂದು ನಿಜವಾಯಿತು ಇಂದು
ತಾನೇ ಹೊಸತಾಗಿ ಹರುಷವನು ತಂದು!!
ಹಸಿರಾದ ಮರದಲ್ಲಿ ಎಳೆ ಚಿಗುರಿನಂತೆ
ಬಸಿರಾದ ಉದರದಿ ಕೂಸೊಂದು ಬಂತು!!
ಹೊಸತಾಗಿ ಉದಯಿಸಿದ ಆ ಚಂದ್ರಕಾಂತಿ
ಮಡಿಲನ್ನು ಬೆಳಗಿಹುದು ಹುಣ್ಣಿಮೆಯಂತೆ!!
ಹೆಣ್ಣಿನ ಬಯಕೆಯ ಕರುಳಿನ ಈ ಕೊಡುಗೆ
ಸಂಬಂಧ ಹೆಣೆಯಿತು ಬದುಕಿನ ಜೊತೆಗೆ!!
ಚಿನ್ನದ ಚೂರೊಂದು ಬಣ್ಣದಿ ತಾ ಮಿಂದು
ಹೊಳೆದು ಸಾರುತಿದೆ ತಾ ಪುಟ್ಟ ಕೂಸೆಂದು!!
- ಪಿ.ಜಿ.ಜ್ಯೋತಿ
07 Oct 2018, 08:20 pm
Download App from Playstore: