ನಿಲ್ಲು ಮನವೇ ನಿಲ್ಲು
ನಿಲ್ಲು ಮನವೇ ನಿಲ್ಲು
ಎಲ್ಲಿ ಓಡುತಿರುವೆ ನಿಲ್ಲು
ಆಸೆಗಳ ಮೂಟೆ ಹೊತ್ತಿ
ಓಡುವೆಯೇಕೆ ನೋವುಗಳ ಬೆಂಬತ್ತಿ
ನಿಲ್ಲು ಮನವೇ ನಿಲ್ಲು
ಇರುವ ನೆಮ್ಮದಿಯ ದೂರ ಸರಿಸಿ
ಹೋಗದಿರು ಇಲ್ಲಸಲ್ಲದ ಭಾವಗಳ ಹರಸಿ
ನಿಲ್ಲು ಮನವೇ ನಿಲ್ಲು
ಆಸೆಗಳೇನೊ ಗಗನಕ್ಕೆ ಏರಿವೆ
ಅವುಗಳ ಹರಸಿ ಹೊರಟ ನಿನಗೆ ನೋವೆ
ನಿಲ್ಲು ಮನವೇ ನಿಲ್ಲು
ನೋವು ಕಷ್ಟಗಳಿಗೆ ಹೆದರಿ
ಆಗುವೆಯೇಕೆ ಪರಾರಿ
ನಿಲ್ಲು ಮನವೇ ನಿಲ್ಲು
ನೋವು ದುಃಖ ಯಾರಿಗಿಲ್ಲ ಹೇಳು
ಅವರುಂಡ ಬಾಳ ಸವಿಯ ನೀ ಕೇಳು
ನಿಲ್ಲು ಮನವೇ ನಿಲ್ಲು
ಕನಸುಗಳಿರಬೇಕು ನಿನ್ನೊಳಗಿನ ಕಣ್ಣಿಗೆ
ಗಗನಕುಸುಮ ಹರಸಿ ಹೊರಟರೆ ನೀ ಮಣ್ಣಿಗೆ
ನಿಲ್ಲು ಮನವೇ ನಿಲ್ಲು
ಮೋಹ ಮದ ಮತ್ಸರಗಳೇ ನಿನಗೆ ಪಾಶ
ಹತ್ತಿರ ಹೋದರೆ ನೀನಾಗುವೆ ನಾಶ
ನಿಲ್ಲು ಮನವೇ ನಿಲ್ಲು
ಇರುವುದರಲೆ ಸುಖವ ಕಂಡು
ನೀ ಬಾಳಬೇಕು ನಗುವ ಉಂಡು
ನಿಲ್ಲು ಮನವೇ ನಿಲ್ಲು
ಎಲ್ಲಿ ಓಡುವೆ ನಿಲ್ಲು
- ಶ್ರೀಕಾವ್ಯ
10 Oct 2018, 05:39 pm
Download App from Playstore: