ಬಿಟ್ಟು ಹೋದೆಯ ಅಮ್ಮಾ..
ನೀ ಬಿಟ್ಟು ಹೋದ ಕಡೆಯ ತುತ್ತೊಂದು
ಇನ್ನೂ ನಿನಗಾಗಿ ಕಾಯುತ್ತಿದೆ,
ನೀ ಮರೆತ ಸಾವಿರಾರು ಮಾತು
ನೀನಿಲ್ಲದೆ ಮೌನವಾಗಿವೆ,
ಕೊಟ್ಟ ಭಾಷೆಗಳು ಕೊಡದ ಮುತ್ತುಗಳು
ಹೃದಯ ಕೇಳಬಯಸಿದ ನಿನ್ನ ಹೃದಯ ಸದ್ದು
ಎಲ್ಲಾವೂ ಅಸಂಪೂರ್ಣವಾಗಿವೆ
ನೀನಿಲ್ಲದೆ ಅಮ್ಮ.
ನಿನ್ನ ಮಾತಿಲ್ಲದೆ ದಿನ ಶುರುವಾಗದು
ನಿನ್ನ ಮುನಿಸಿಲ್ಲದೆ ದಿನ ಅಂತ್ಯವಾಗದು
ನಿನ್ನ ಕರೆಗಾಗಿ ಕಾದು ನೋಡುವ ನನ್ನ ಕಿವಿಗಳು
ಕೇಳುವುದೆಂದು ನಿನ್ನ ಧ್ವನಿ
ಮತ್ತೆ ನಿಲುಕಿಲ್ಲದ ಮಾತುಗಳೊಂದಿಗೆ ಅಮ್ಮ.
- ಚುಕ್ಕಿ
13 Oct 2018, 11:07 am
Download App from Playstore: