ಮತ್ತೆ ಮಾಮರದಲ್ಲಿ
ಮತ್ತೆ ಮಾಮರದಲ್ಲಿ
ಒಂಟಿ ಕೋಗಿಲೆ ಗಾನ!!
ನನ್ನ ಈ ಮನದಲ್ಲಿ
ನಿನ್ನ ನೆನಪಿನ ಧ್ಯಾನ!!
ಮಲ್ಲೆ ಮೊಗ್ಗಿಗೂ ಏಕೋ
ಅರಳಲು ಅನುಮಾನ!!
ಪುಟ್ಟ ದುಂಬಿಯ ಕೊರಳ
ಬಳಸಿಹುದು ಮೌನ!!
ಹುಟ್ಟೋ ಸೂರ್ಯನೂ
ಇರುಳ ತಂದನು ಜಗಕೆ!!
ಕರಗೋ ಚಂದ್ರಗೂ ಇಂದು
ಏತಕೋ ಹಿಂಜರಿಕೆ!!
ದಟ್ಟ ಕಾನನದಲ್ಲೂ
ನಟ್ಟ ನಡುವಿನ ಹಾದಿ!!
ಬಟ್ಟು ಹೋದೆಯಾ ನನ್ನ
ಒಬ್ಬಂಟಿಯನ್ನಾಗಿ ಮಾಡಿ!!
ಕಡಲ ತೀರದಿ ನಡೆದ
ಹೆಜ್ಜೆ ಗುರುತದು ಮಾಸಿ!!
ಉಳಿದು ಹೋಗಿದೆ ನನ್ನ
ಎದೆಯಲ್ಲಿ ನೀನಿತ್ತ ಗಾಸಿ!!
- ಪಿ.ಜಿ.ಜ್ಯೋತಿ
13 Oct 2018, 03:55 pm
Download App from Playstore: