ಗರ್ಭಪಾತ!
ಅಂಗೈಯಗಲದ ದೇಹ ರೂಪುಗೊಂಡಿದೆ ನನ್ನೊಡಲಲ್ಲಿ ಉಳಿಸಿಕೊಳ್ಳುವ ಶಕ್ತಿ ಇದ್ದರೂ ತಲೆ ಬಾಗಿ ನಿಂತೆ ನೀನೊಂದು ಹೆಣ್ಣೆಂದು ಗರ್ಭಪಾತಕೆ ಶರಣಾಗಿ.
ಸೂಜಿಮೊನೆಯಷ್ಟು ಕಣ್ಣು ,ಆಕಾರ ಪಡೆಯದ ಮೂಗು
ಕಿರುಬೆರಳಿಗೂ ಕಿರಿದಾದ ಕೈ ,ಮುಷ್ಟಿಯಷ್ಟು ಇರದ ಮುದ್ದಾದ ಮುಖ ಈಗತಾನೆ ಹಿಮ್ಮಡಿ ಮೂಡುತ್ತಿರುವ ಪಾದ.
ಕೊಲೆಗೈಯದೆ ಕೊಲೆಗಾರ್ತಿಯಾದೆ
ಜನ್ಮ ನೀಡದೆ ತಾಯಿಯಾದೆ ಇದು ಶಾಪವೋ ನಾನು ಮಾಡಿದ ಪಾಪವೋ ನಾನರಿಯೇ ಮಗುವೇ.
ಪುಟ್ಟ ಹೃದಯದ ಸದ್ದು ಕೇಳಲಿಲ್ಲ ನಾನು,
ನಿನ್ನುಸಿರು ನಿಲ್ಲಿಸಿದ ಕೈಗಳಲ್ಲಿ ನನ್ನದೂ ಒಂದು ಸಹಿ ಬಿದ್ದಿದೆ.
- ಚುಕ್ಕಿ
02 Dec 2018, 10:43 am
Download App from Playstore: