ಗರತಿ
ಹಳಸಿದನ್ನವ ವಲಸೆ
ತಂದಿಹಳು ನಮ್ಮಾಕಿ,
ಹಸಿವ ನೀಗಿಸಲು ನನ್ನ ಹೊಟ್ಟೆಗಾಕಿ ಅವಳ ಬಾಯಿ ಕಟ್ಟಿಹಾಕಿ.
ಅಂಗಲಾಚಿ ಬೇಡುವಳು ಅಮ್ಮ ಹಸಿವೆಂದು, ಅಳಿದುಳಿದ ನೆನ್ನೆಯ ಅನ್ನವ ಹಾಕಿ ಪುಣ್ಯವ ಕಟ್ಟಿಕೊಳ್ಳಿ ಎಂದು.
ಒಂದು ಮುತ್ತಿಗಾಗಿ ನಾ ಬೇಡಿದೆ ಭಿಕ್ಷೆ ಅಂದು ಅವಳಲ್ಲಿ, ಒಂದಾದರೂ ತುತ್ತಿಗಾಗಿ ಅವಳು ಬೇಡುತಿಹಳು ಭಿಕ್ಷೆ ಪರರಲ್ಲಿ.
ಮಿಂಚು ಅವಳಂದಕೆ ಮೈದುಂಬಿ ಧರಿಸುತ್ತಿದ್ದಳು ಬಗೆ ಬಗೆಯ ಉಡುಗೆ ತೊಡುಗೆ, ಮಾಂಗಲ್ಯವೊಂದೇ ಉಳಿದಿಹುದು ಈಗ ಅರಿಶಿನದ ಕೊಂಬಲ್ಲಿ ನನ್ನ ಆಯಸ್ಸೊತ್ತು ಕಡೆಗೆ.
ನಾದಸ್ವರದ ನಂಟಿಗೆ
ನನ್ನೊಡನೆ ಹಾಕಿದ ಏಳ್ಹೆಜ್ಜೆಗೆ,
ತಾಯಿ ತಾನಾದಳು ನನ್ನೊಡತಿ ಮನೆ ಇಲ್ಲದಿದ್ದರೂ ಮನ ಬೆಳಗಿ ಗರತಿ.
- ಚುಕ್ಕಿ
13 Jan 2019, 06:25 pm
Download App from Playstore: