ದೀಪದ ಮಲ್ಲಿ
ಕತ್ತಲ ಅಂಗಳದಲ್ಲಿ ಐದು ಎಸಳಿನ
ಮಿಣುಕು ದೀಪವ ಹಿಡಿದು
ನಿಂತಿರುವಳಿದೋ
ಸಿಂಗಾರಗೊಂಡ ಮನೋಹರಿ,
ಮೆಲ್ಲ ಬೀಸುತ್ತಿದೆ ಗಾಳಿ
ಕೊಂಚ ಕರುಣೆಯನು ತೋರಿ
ತೊಂದರೆಯನೊಡ್ಡದೆ ತರುಣಿಗೆ
ತನ್ನಿರುವಿಕೆಯನು ತೋರದೆ,
ಹಸಿರು ಸೀರೆಯನುಟ್ಟು
ಮುಡಿಗೆ ಮಲ್ಲಿಗೆಯನಿಟ್ಟು
ಗಳಿರು ಹಸಿರು ಬಳೆ
ದೈವ ಭಕ್ತಿಯಲಿ ನವಿರು
ಸಿಂಗಾರಗೊಂಡವಳೇ..
ತುಟಿಯಂಚಲಿ ತುಸು
ನಗುವಿನ ಲೇಪನ,
ಮುಗ್ದ ಮೊಗದಿ ತುಂಬಿದ
ಆಧ್ಯಾತ್ಮ ಪ್ರೇರಣೆಯ ಹೊಳಪು
ಕಿರು ಹಣತೆಯ ಬೆಳಕಿನಲ್ಲಿ
ಮಿರುಗಿಹುದು ಆಕೆಯ
ಶುದ್ಧ ಮನಸಿನ ಮೊಗ.
- ಶ್ರೀಗೋ.
20 Jan 2019, 09:27 pm
Download App from Playstore: