ಪ್ರೇಮ ಎಂಬ ಕಣ್ಣು
ಪ್ರೇಮ ಎಂಬ ಕಣ್ಗಳೆರಡು
ರೆಪ್ಪೆ ಅದಕೆ ಕಾವಲು!!
ಕಣ್ಣ ಅಪ್ಪಿ ಕಾಯುತ್ತಿದ್ದರೂ
ಮನದ ನೋವ ಅರಿಯದು!!
ಬೀಸಿ ಬರುವ ತಂಪು ಗಾಳಿ
ನಿನ್ನ ನೆನಪ ತರುವುದು!!
ಉಕ್ಕಿ ಬರುವ ಕಣ್ಣ ನೀರ
ರೆಪ್ಪೆ ತಾನು ತಡೆಯದು!!
ಕಣ್ಣ ನೀರು ಕೆನ್ನೆ ಮೇಲೇ
ಹರಿದು ಕೊರಳ ಸೇರಿತು!!
ಕೊರಳಿನಿಂದ ಎದೆಗೆ ಜಾರಿ
ಮನದ ನೋವ ಕೇಳಿತು!!
ಮಿಡಿಯುತಿರುವ ಹೃದಯವು
ನಿನ್ನ ಹೆಸರು ನುಡಿಯಿತು!!
ನೀನು ಇರದೆ ಉಳಿಯಲಾರೆ
ಎಂಬ ಸತ್ಯವ ತಿಳಿಸಿತು!!
ನೀನು ಒಂದು ನೆನಪು ಮಾತ್ರ
ಎಂಬುದೇ ಇಂದು ಸತ್ಯವು!!
ಮರೆಯಬೇಕು ಅಂದರೂನೂ
ನಿನ್ನ ನೆನೆಯುವೆ ನಿತ್ಯವೂ!!
- ಪಿ.ಜಿ.ಜ್ಯೋತಿ
31 Jan 2019, 03:16 pm
Download App from Playstore: