ಉಳಿಸಿ ಬಿಡು ಒಮ್ಮೆ...
ಉಳಿಸಿ ಬಿಡು ನನ್ನನ್ನೊಮ್ಮೆ ನಿನ್ನ ರಾತ್ರಿಯ ಕನಸುಗಳಲ್ಲಿ ನನಸಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ
ಹಗಲಿನಲ್ಲಿನ ತೀರದ ವಿರಹಕೆ ರಾತ್ರಿಯಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ ಮನದ ಹಾಳೆಯ ಮೇಲೆ ಬಣ್ಣದ ಅಕ್ಷರವಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ
ಮನೆಯ ಹೊಸ್ತಿಲ ಮೇಲಿನ ಮಾಸದ ಅರಿಶಿನವಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ
ಬಿಸಿ ಹಾಲಿನ ಮೇಲೆ ಮೃಧು ಕೆನೆಯಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ
ಒಲವ ದಾಹಕ್ಕೆ ನೀರಾಗಿ, ನಿನ್ನ ಮುದ್ದಾದ ನಗುವಿನ ಹಿಂದೆ ಕಾರಣವಾಗಿ.
ಉಳಿಸಿ ಬಿಡು ನನ್ನನ್ನೊಮ್ಮೆ ನಿನ್ನಲ್ಲಿ ನೀನಾಗಿ❤
- ಚುಕ್ಕಿ
03 Feb 2019, 03:01 pm
Download App from Playstore: