ಹನಿಯ ಬೇಟೆ ಕಣ್ಣಿನಂಚಿಗೆ!
ಉದ್ಯಾನ ನಗರಿಯ ಒಳಗುಟ್ಟು
ಯಾರು ಅರಿತಿಹರು?
ಉಜ್ಜುಗದ ಒಲವಲ್ಲಿ ಕಾಲ್ಕಿತ್ತು
ಓಡುವ ಜಗದಲ್ಲಿ!!
ರಾತ್ರಿ ಮಲಗಿದ ವೇಳೆಯಲ್ಲಿ
ಕಿರುಚುವ ಕತ್ತಲ ಸದ್ದು ಎಲ್ಲಿ ಬಿದ್ದೀತು! ಕನಸಲ್ಲಿ ಸಿರಿತನದ ನಾಳೆಗಳ ಹೊತ್ತು ಮಲಗಿದ ಕಿವಿಗಳಿಗೆ!!
ಕಪ್ಪು ನೆರಳು ದೇಹವ ಮರೆಮಾಡಿ ತಾನು ಮೆರೆದಾಗ, ಅಳುತ ಜಾರಿತು ಕಣ್ಣ ಹನಿಯೂ ಜೀವಂತ ಶವದ ಮೇಲಿಂದ ಪಾದದಡಿಗೆ!!
ಬೇಟೆಗಾರನ ಬಲೆಗೆ ಬಿದ್ದಿತು
ಶಿಖಾರಿಯೊಂದು ಶಿರಬಾಗಿ, ಶರಣಾಗಿ ಬಡತನದ ಹಸಿವಿಗೆ ಬಲಿಯಾಗಿ, ತನ್ನ ತನವ ಮರೆತು ಹೋಗಿ ನಿರ್ಜಿವ ಕಾಗದದ ತುಣುಕುಗಳಿಗೆ ಮಾರುಹೋಗಿ.
- ಚುಕ್ಕಿ
10 Feb 2019, 07:51 am
Download App from Playstore: