ಪ್ರೇಮಿಗಳ ದಿನ ( ಪ್ರಸ್ತಾಪನೆ )
ನನ್ನ ಅಂತರಾಳದಲ್ಲಿದ್ದ ಬಹುದಿನದ ಪ್ರೀತಿಯನ್ನು,,
ಪ್ರೇಮಿಗಳ ದಿನದಂದು ಪ್ರಸ್ತಾಪಿಸುವ ಪಣತೊಟ್ಟು
ಕವಿತೆಯೊಂದನ್ನು ಬರೆಯಲು ಶುರುವಿಟ್ಟು
ನನ್ನ ಎದೆಯಲ್ಲಿದ್ದ ನಾಲ್ಕೇ ನಾಲ್ಕು
ಅಕ್ಷರಗಳನ್ನು ಹೊಸೆದು
ಕೆಲವೇ ಪದಗಳನ್ನು ನೇಯ್ದು
ಪ್ರೀತಿಪ್ರೇಮದ ಬಣ್ಣವ ಬಳಿದು
ನನ್ನ ಒಲವಿನ ಕವಿತೆಗೆ
ಕಾವ್ಯದ ಕಾವನ್ನು ಕೊಟ್ಟು
ಅರಳುತ್ತಿರುವ ಕೆಂಗುಲಾಬಿಯ
ಮೊಗ್ಗೂವೊಂದನ್ನು ನಿನ್ನ ಕೈಗಿಟ್ಟು
ನಾ ಹೇಳುವೆ,,,,,,
" ಈ ಒಲವಿನ ಮೊಗ್ಗೂವು
ಅರಳುವ ಮುನ್ನವೇ
ಅದು ನಿನ್ನ ಚೆಲುವಿನ ಮುಡಿಯಲ್ಲಿರಬೇಕು
ಅದನ್ನು ನೋಡುವ ಈ ನನ್ನ ಮನವು
ಅನುಅನುದಿನವೂ ಮಿಡಿಯುತಲಿರಬೇಕು".
- ರಘುವಿಜಯ ಕಸ್ತೂರಿ
14 Feb 2019, 05:02 pm
Download App from Playstore: