ನೀ ದೂರಾಗಬೇಡ.
ನಿನ್ನೊಂದಿಗಿನ ಪಯಣಕ್ಕಾಗಿ
ನಾ ಆಸೆಯ ಬುಟ್ಟಿಯನ್ನು
ಸೂಕ್ಷ್ಮದಿಂದ ಹೆಣೆಯುತ್ತಿರುವೆ.
ಆಸೆಯನ್ನ ಕಮರಿಸಿ ನೀ ದೂರಾಗಬೇಡ.(ಪ)
ವಿಸ್ಮಯದ ಈ ಲೋಕದಲ್ಲಿ
ಸುವಿಶಾಲವಾದ ಪ್ರೀತಿಯಿಂದ
ನಿನ್ನೊಡನೆ ಬಾಳಲು ತವಕಿಸುತ್ತಿರುವೆ.
ನನ್ನನ್ನು ನಿರ್ಲಕ್ಷಿಸಿ ನೀ ದೂರಾಗಬೇಡ.
ಗಳಿಗೆಗೊಂದು ಗಂಟೆ ಕಟ್ಟಿ
ನಿತ್ಯ ದೇವರ ಪೂಜೆ ಮಾಡಿ
ನನ್ನೇ ನಾ ಬಲಪಡಿಸಿಕೊಂಡಿರುವೆ.
ಬಡವನ ಗುಡಿಗೆ ಬಾರದೇ ಹೋಗಬೇಡ.
ಅತ್ತು ಬದುಕುವ ಜನರ ನಡುವೆ
ನಿನ್ನ ನಕ್ಕು ನಗಿಸಲು ಸಿದ್ದನಾಗಿ
ಹುಚ್ಚನಂತೆ ಒಬ್ಬನೆ ಕಾಯುತ್ತಿರುವೆ.
ಮೆಚ್ಚಿಕೊಳ್ಳದೇ ನೀ ಸತಾಯಿಸಬೇಡ.
ಪಣತಿಗಾಗಿ ಬತ್ತಿ ಹೊಸೆದು
ನನ್ನೇ ನಿನಗೆ ಧಾರೆ ಎರೆದ
ಪ್ರೀತಿಯ ತೈಲವ ಉಣಬಡಿಸುತ್ತಿರುವೆ.
ದೀಪವನ್ನು ಹಚ್ಚದೇ ನೀ ದೂರಾಗಬೇಡ.
➡ ಇಂತಿ ಸ್ನೇಹ ಸಿಂಚನ
- ನಾಗರಾಜ ಬಾಕೆ೯ರ್
16 Feb 2019, 06:09 pm
Download App from Playstore: