ನಮನ ನಿಮಗೆ
ರಾಷ್ಟ್ರಗೀತೆ ಲಾಲಿ,
ಹಾಡಾಯಿತೆ ನಿನಗೆ,
ಬೆಚ್ಚಗೆ ಮಲಗಿರುವೆ,
ತ್ರಿವರ್ಣದಲ್ಲಿನ ತಾಪಕೆ.
ಕಿಡಿಗೇಡಿಗಳ ಗುಂಡೇಟಿಗೆ,
ಎದೆಬಿರಿದು ಎದುರು ನಿಂತ
ಧೈರ್ಯಕೆ,
ಶಾಪವಾಕಿತೆ ನಿನ್ನವರ
ಕಣ್ಣ ಹನಿ,ನೋವುಂಡ ಪಾಪಕೆ.
ನೆನೆದು ನೆನ್ನೆಯ ನಿನ್ನ ನಗುವು,
ತಾಯಿ ಮರುಗಿದಳು,
ಭಾರತಿಯ ಮಡಿಲಲ್ಲಿ,
ನಿನ್ನ ಮಗನ ಬಿಳ್ಕೊಡು
ಎಂದು ಸ್ವರ್ಗಕೆ.
ತಲೆ ಬಾಗಿ ನಮಿಸುವೆವು,
ನಿನ್ನ ತ್ಯಾಗಕೆ, ಮುಕ್ಕೋಟಿ
ದೇವರುಗಳ ಸಾಲಿಗೆ,
ನಿನ್ನದೂ ಒಂದು ನಾಮ,
ಸೇರಲಿ ನಮ್ಮ ಉಸಿರಿಗೆ.
- ಚುಕ್ಕಿ
16 Feb 2019, 10:56 pm
Download App from Playstore: