ವೀರ ಯೋಧ ನೀನೆ ಈ ದೇಶದ ನಿಜವಾದ ಹೀರೋ
ಓ ನನ್ನ ವೀರ ಯೋಧ ಮತ್ತೆ ಹುಟ್ಟಿ ಬಾರೋ
ನೀನೆ ಈ ದೇಶದ ನಿಜವಾದ ಹೀರೋ...
ನೀನೀದ್ದರೇನೆ ದೇಶದ ಜನತೆ ಕ್ಷೇಮಕುಶಲಂ
ನಿನ್ನ ತ್ಯಾಗ ಬಲಿದಾನಕೆ ಕೋಟಿ ಕೋಟಿ ಸಲಾಂ|ಪ|
ಬಿಟ್ಟು ಬಂದೆ ನಿನ್ನ ಕುಟುಂಬ
ಬೆಳೆಸಿಕೊಂಡೆ ದೇಶಭಕ್ತಿ ನರನಾಡಿಯ ತುಂಬ..
ಉಗ್ರರ ಸಂಹಾರ ನಿನಗೊಂದು ಸಮಾರಂಭ
ವೀರಮರಣ ಹೊಂದುವುದು ನಿನಗೆ ಮಹಾನ್ ಹಬ್ಬ..
ತಾಯ್ನಾಡಿಗಾಗಿ ಒತ್ತೆ ಇಟ್ಟೆ ಹಣೆಬರಹ
ಸಹಿಸೋದಿಲ್ಲ ನೀನು ದೇಶದ್ರೋಹ..
ಉಕ್ಕಿನ ಕವಚ ನಿನ್ನ ದೇಹ
ಮಳೆ ಬಿಸಿಲು ಚಳಿಯಲ್ಲೂ ಸೋಲದ ಉತ್ಸಾಹ..
ಘರ್ಜಿಸುವೆ ಮುನ್ನುಗ್ಗುವೆ ಸಿಂಹದ ತರಹ..
ನಿನ್ನ ಆರ್ಭಟಕೆ ನುಚ್ಚುನೂರು ಉಗ್ರರು
ಹೋರಾಡುವೆ ನೆತ್ತರು ಸುರಿದರೂ ದೇಹ ಛಿದ್ರ ಛಿದ್ರವಾದರೂ
ವಿಜಯ ಪತಾಕೆ ಹಾರಿಸಿ ಹೆಮ್ಮೆಯಿಂದ ನಿಲ್ಲಿಸುವೆ ನಿನ್ನ ಉಸಿರು..
ನಮ್ಮೆದೆಯಲ್ಲಿ ಎಂದೆಂದು ಅಮರ ನಿನ್ನ ಹೆಸರು..
- ಸುರೇಶ್ ಟಿ ವಿ
17 Feb 2019, 08:49 am
Download App from Playstore: