ವೋಟು ವೋಟು ಹಾಕಣ್ಣ
ವೋಟು ವೋಟು ಹಾಕಣ್ಣ
ಅದುವೇ ನಿನ್ನ ಹಕ್ಕು ತಿಳಿಯಣ್ಣ..
ವೋಟು ವೋಟು ಹಾಕಣ್ಣ
ಸರ್ಕಾರ ಆರಿಸುವ ಹಕ್ಕು ನಿನ್ನದಣ್ಣ..
ಇಲ್ಲಿ ಪ್ರಜೆಯೇ ಪ್ರಭು ಎಂಬ ನಿಜವನ್ನಾ
ಮತದಾನ ಮಾಡುವ ಮೂಲಕ ತೋರಿಸಣ್ಣ..
ನಿನ್ನ ಬೆರಳಲ್ಲಿ ಬೆಳಗಿಸು ಇಂದು ಶಾಹಿ ಗುರುತನ್ನಾ
ಉತ್ತಮ ಭವಿಷ್ಯದಲಿ ಬಾಳಲಿ ಎಂದೆಂದೂ ಈ ದೇಶ ಈ ಜನ||
ನೋಟು ಗಿಫ್ಟು ಎಂಬ ಆಮಿಷಕೆ ನೀ ಒಳಗಾಗಬೇಡ
ನಾಡಿನ ಏಳಿಗೆ ನಿನ್ನ ಕರ್ತವ್ಯ ಎಂಬುದ ಮರೆಯಬೇಡ..
ಧರ್ಮ ಜಾತಿ ಅಂತ ನೀನು ನೋಡಬೇಡ
ದೇಶದ ಪ್ರಗತಿಗೆ ದುಡಿವ ಶಕ್ತಿಯ ಮರೆಯಬೇಡ..
ಮತದಾರನೇ ಮಾಡು ದೃಢನಿಶ್ಚಯ
ನೀನಾಗಬೇಕು ರಾಷ್ಟ್ರಕೆ ಭದ್ರ ಅಡಿಪಾಯ
ಜಾರಿ ಮಾಡು ನಮ್ಮ ಸಂವಿಧಾನದ ಆಶಯ..
ಭ್ರಷ್ಟಚಾರ ಮುಕ್ತ ಸರ್ಕಾರ ನಮಗೆ ಬೇಕಣ್ಣ
ಜನಸೇವೆ ಮಾಡಲು ಸ್ಪಷ್ಟ ಬಹುಮತ ನೀಡಣ್ಣ
ಜನಹಿತ ಕಾಯುವ ನಾಯಕ ಆರಿಸಿ ಬರಬೇಕಣ್ಣ..
ಪ್ರಜಾತಂತ್ರದ ಯಶಸ್ಸು ವೋಟು ಹಾಕುವ ಪ್ರಜೆಯಿಂದ ನೋಡಣ್ಣ
ಮತದಾರನೇ ನೀನು ಜಾಗೃತನಾಗು
ದೇಶದ ಒಳಿತಿಗೆ ಮುಂದಾಗು
ಬಲಿಷ್ಟ ರಾಷ್ಟ್ರವ ಕಟ್ಟುವವನಾಗು..
- ಸುರೇಶ್ ಟಿ ವಿ
25 Feb 2019, 02:39 pm
Download App from Playstore: