ಹನಿಗವನಗಳು
ಸುಹಾಸ
ನಗುಮೊಗದ ಮನ್ಮಥ
ಸದಾ ಪರಿಮಳವ ಚೆಲ್ಲುತ
ಸುವಾಸನೆಗೆ ಆವಾಸಸ್ಥಾನ ವಾದವನಾರೊ
ಅವನೇ ನಮ್ಮೆಲ್ಲರ ಪ್ರೀತಿಯ ಸುಹಾಸ
ಶ್ರಾವಂತ
ಹಸುನಗೆಯ ಬೀರುವನಿತ
ತುಸುವು ಕಲ್ಮಶವಿರದಾತ
ಸಾಧನೆಯಲಿ ಛಲವಂತ
ಅಲುಗಾಡದ ಮೇರು ಪರ್ವತ
ಅವನೆ ನಮ್ಮೆಲ್ಲರ ನೆಚ್ಚಿನ ಶ್ರಾವಂತ
ಗುರು
ತರಗತಿಯಲ್ಲಿ ಇದ್ದರೆ ಆನಂದ
ಬೆಳೆಸುವನು ಎಲ್ಲರೊಂದಿಗೆ ಸಂಬಂದ
ಸರ್ವರನು ಸೆಳೆವನು ತನ್ನ ಮಾತಿಂದ
ಗುರು ರಾಘವೇಂದ್ರರ ವರಪ್ರಸಾದ
ಅವನೇ ನಮ್ಮೆಲ್ಲರ ಪ್ರೀತಿಯ ಗುರು ಪ್ರಸಾದ
ರಕ್ಷಿತ
ಪ್ರಯತ್ನ ಪಥದಲ್ಲಿ
ಸಾಧನೆಯ ರಥವೇರಿ
ಮೀರಿಸುವ ಛಲದಲ್ಲಿ
ಸಾಗುತಿಹಳು ಈ ಸುಂದರಿ
ಅವಳೇ ನಮ್ಮೆಲ್ಲರ ಪ್ರೀತಿಯ ರಕ್ಷಿತ
ತೋರಿಕೆಯಲಿ ಭೂಪ
ತೋರುವನು ಉತ್ತರನ ಪ್ರತಾಪ
ಸಾಧನೆಯಲಿ ಬಲು ಅಪರೂಪ
ಚರ್ಚೆಗೆ ಇವನೇ ಚಾಲಕ
ಅವನೇ ತರಗತಿಗೆ ನಾಯಕ
ನಮ್ಮೆಲ್ಲರ ನೆಚ್ಚಿನ ಕಾರ್ತಿಕ
ನಮ್ಮ ಶಾಲೆಯ ಕ್ಯೂಟಿ
ಹೊಂದಿರುವಳು ಬ್ಯೂಟಿ
ಮೌನವೆ ಇವಳ ದಾಟಿ
ಬೀಸುವಳು ಮುಗುಳುನಗೆಯಚಾಟಿ
ಅವಳೆ ನಮ್ಮೆಲ್ಲರ ಪ್ರೀತಿಯ ಶುಶ್ಮಿತ ಪುಟ್ಟಿ
ಸ್ಪುರದ್ರೂಪಿ ಯುವಕನೀತ
ಹೆತ್ತವರ ಪ್ರೀತಿಯ ಸುತ
ಸ್ನೇಹವೇ ಇವನಿಗೆಲ್ಲ
ಮಾತೊಂದು ಸಿಹಿ ಬೆಲ್ಲ
ಹೊಂದಿರುವನು ಕಿರುಗಲ್ಲ
ಅವನೇ ನಮ್ಮೆಲ್ಲರ ಪ್ರೀತಿಯ ಅನಿಲ
ಪಲ್ಲವಿಯೆ ಹಾಡಿಗೆ ಭ್ರೂಣ(ಪ್ರಾಣ)
ಹರಟೆಗೆ ಇವನೆ ಕಾರಣ
ಇವನಿಗಿದೆ ರಂಜಿಸುವ ಗುಣ
ತರಗತಿಗೆ ಇವನೆ ಭೂಷಣ
ಅವನೇ ನಮ್ಮೆಲ್ಲರ ಪ್ರೀತಿಯ ಚರಣ
ಗುರು-ಹಿರಿಯರಲ್ಲಿ
ತೋರುವನು ನಯ-ವಿನಯ
ಪಠ್ಯೇತರ ಚಟುವಟಿಕೆಗಳಲ್ಲಿ
ತೋರುವನು ಅತಿ ಜಾಣ್ಮೆಯ
ಮಾತಿನಲ್ಲೇ ಇವನೆಂದೂ ತನ್ಮಯ
ಅವನೇ ನಮ್ಮ ಅಭಿನಯ
ಅಂದು ಲಂಕೆಗೆ ಹಾರಿದ ಹನುಮಂತ
ಇಂದು ಅಂಕಿಯಿಂದ ಜಾರುತಿಹನೀತ
ಏರಲೆಂಬಾಸೆ ಮೇರು ಪರ್ವತ
ಸಕಲವ ಸಹಿಸುವ ಗುಣವಂತನೀತ
ಅವನೇ ನಮ್ಮೆಲ್ಲರ ನೆಚ್ಚಿನ ಹೇಮಂತ
ಇವನಿಗೆ ಪಠ್ಯ ಅಪರಿಚಿತ
ಪಠ್ಯೇತರ ಚಿರಪರಿಚಿತ
ಇವನ ಗಣನೆಗಿಲ್ಲ ಗಣಿತ
ಇರುವ ಹವ್ಯಾಸಗಳು ಅಗಣಿತ
ನಟನೆಯಲ್ಲಿ ಪರಿಣಿತ
ಅವನೇ ನಮ್ಮೆಲ್ಲರ ನೆಚ್ಚಿನ ರೋಹಿತ
ಮೌನ ಇವನಿಗೆ ಉಚಿತ
ಇವನೆಂದು ನಿಶ್ಚಿಂತ
ಸಾಗುವ ಹಾದಿ ನಿಶ್ಚಿತ
ಆಗು ಹೋಗುಗಳಿಗೆ ತಲೆ ಕೆಡಿಸಿಕೊಳ್ಳದಾತ
ಅವನೇ ನಮ್ಮೆಲ್ಲರ ನೆಚ್ಚಿನ ಸುಚಿತ
ಜಗ್ಗದ ಕುಗ್ಗದ ಸರದಾರ
ಬದಲಾಗದ ಛಲಗಾರ
ಪ್ರಶಂಸೆಗೆ ಬಲು ದೂರ
ಮಾತಿನಲಿ ಸಾಹುಕಾರ
ಅವನೇ ನಮ್ಮೆಲ್ಲರ ನೆಚ್ಚಿನ ಸುಭಾಷ್ ರಾಜ
ಮಾತಿನಮಲ್ಲ ಇವನಲ್ಲ
ಇವನೇ ತರಗತಿಗೆ ಬಲ
ಮುಗ್ದ ಮನದ ನಲ್ಲ
ಅವನೇ ನಮ್ಮೆಲ್ಲರ ನೆಚ್ಚಿನ ನಿಖಿಲ
ಹಿತ್ತಾಳೆ ಕರ್ಣಗಳ ಮೂಲಕ
ಹರಟೆಯೆ ಇವಳ ಕಾಯಕ
ನೇತ್ರಗಳಾಶ್ರಯಿಸಿವೆ ಕನ್ನಡಕ
ಇವಳೊಂದು ಬೇದಿಸಲಾಗದ ಗವಿ
ಅವಳೇ ನಮ್ಮೆಲ್ಲರ ಪ್ರೀತಿಯ ಶಾಂಭವಿ
ಸೌರಮಂಡಲದ ಅಧಿಪತಿ ಆ ಭಾನು
ಅಪಜಯದ ಅಧಿಪತಿ ಈ ಭಾನು
ಪ್ರಕಾಶವೆ ಅವನ ಕಾಯಕ
ಮುಗುಳುನಗೆಯೆ ಇವನ ಉತ್ತರ
ನಿಂದನೆಗಳನೆ ಅಭಿನಂದನೆಗಳೆನ್ನುವನೀತ
ಅವನೇ ನಮ್ಮ ನೆಚ್ಚಿನ ಭಾನುಪ್ರಸಾದ
ಮೌನವೇ ಇವಳಿಗೆ ಆಭರಣ
ಮುಗುಳುನಗೆ ಒಂದು ಶಶಿಕಿರಣ
ನೋಟದಲ್ಲೆ ಬಿಡುವಳು ಹೂಬಾಣ
ಸದಾ ಕೈಗೊಳ್ಳುವಳು ಗಗನಯಾನ
ಅವಳೇ ನಮ್ಮ ನೆಚ್ಚಿನ ಗಗನ
ಶಾರದ
- ಶಕುಂತಲಾ
14 Mar 2019, 04:41 pm
Download App from Playstore: