ತನುವಿನ ತಾರೆ
ಗೆಳತಿ,
ಕಳೆದ ರಾತ್ರಿಯ ನೆನೆದು ದಿನ ಕಳೆಯಬೇಕಿದೆ,
ಆಡಿದ ಮಾತುಗಳೆಲ್ಲವು ಪ್ರತಿ ಅಕ್ಷರ
ನೆನಪಿಟ್ಟು ನಿನ್ನ ಹೆಸರಂತೆ ಹಾಡಬೇಕಿದೆ!!
ನಿನ್ನ ನೆನೆದು ನನ್ನಲ್ಲಿ ಆಡಿಕೊಂಡ
ಮಾತುಗಳೆಲ್ಲವು ನಿನ್ನ ಎದೆಯ ಸೇರದೆ ಬೇಸರಗೊಂಡಿವೆ, ಹಾಲಿನೊಡನೆ ಅರೆದ
ಸಿರಿ ಗಂಧ ಘಮಗೊಟ್ಟು ನಿನ್ನ ಕೂಗುತಿದೆ,
ಜೊತೆಯಾಗು ಸಂಗಾತಿ ಕಣ್ಣ ರೆಪ್ಪೆ ಮುಚ್ಚದೆ
ನಿನ್ನ ಕಾಯಬೇಕಿದೆ.
ಒಂಟಿತನ ಒಡೆದ ಸದ್ದು ಜಂಟಿಯಾಗಿ
ನಾವಾಗಬೇಕಿದೆ, ತೆರೆ ಸರಿಸಿ ಕಣ್ಣ ಮಿಂಚಿಗೆ
ರೂಪವಾಗು ಸೊಂಟದ ಮೇಲಿನ ಮಚ್ಚೆಯ
ಸುತ್ತಳತೆ ನೋಡಬೇಕಿದೆ.
ಮುಸ್ಸಂಜೆ ಮರೆಯಾದರೆ ನಾಚಿ ಕೂರಬೇಡ
ರಾತ್ರಿಯ ಲೆಕ್ಕ ಇನ್ನೂ ಚುಕ್ತಾ ಮಾಡಬೇಕಿದೆ,
ತುಂಟ ನಗೆಯ ಬೀರಿ ಓಡಿ ಹೋಗಬೇಡ
ಜಡೆಯ ಎಳೆದು ಕೊರಳಿಗೊಂದು ಸವಿಮುತ್ತ ನೀಡಬೇಕಿದೆ, ಮುಂಜಾವಿನ ತಂಪಿಗೆ
ಸೊಂಪಾಗಿ ನಿದುರಿಸಬೇಡ ತುಳಿಸಿಕಟ್ಟೆಯ
ಸುತ್ತುವಾಗ ಒದ್ದೆ ಬೆನ್ನ ಕದ್ದು ನೋಡಬೇಕಿದೆ.
❤❤❤
- ಚುಕ್ಕಿ
25 Mar 2019, 07:00 pm
Download App from Playstore: