ನಿನ್ನ ಸ್ಪರ್ಶ
ಹನಿ ಹನಿಯ ಬೆವರ ತೊಯ್ದು
ಬೆಳೆದು ನಿಂತಂತಿದೆ ಬೆಟ್ಟದಷ್ಟು
ಆಸೆ ನಿನ್ನ ಸ್ಪರ್ಶೆಗಾಗಿ,
ಕೈಬೆರಳ ಆಲಿಂಗನ ಬದಲಿಸ
ಬಹುದೇನೋ ಹಸ್ತರೇಖೆಯನ್ನು
ನಿನ್ನೊಟ್ಟಿಗೆ ಹೆಜ್ಜೆ ಹಾಕುವ ದಿಕ್ಕಿಗೆ.
ಮಂಜು ಮುಂಜಾನೆಯನ್ನು ತಬ್ಬಿದಂತೆ,
ಸಂಜೆ ಕೆಂಪನ್ನು ತನ್ನೊಳಗೆ ತುಂಬಿಕೊಂಡಂತೆ,
ಮಳೆಯು ತಂಗಾಳಿಯ ಅಪ್ಪುವಂತೆ
ನಿನ್ನಲಿ ಸೇರುವ ಆಸೆ ಮತ್ತೆ ನಿನ್ನ ಸ್ಪರ್ಶೆಗಾಗಿ ಹಾತೊರೆಯದಂತೆ.
ಜಾಜಿಮಲ್ಲಿಗೆ ಸುಗಂಧವ ತನ್ನಲ್ಲೇ
ಕಟ್ಟಿಹಾಕಿದಂತೆ, ಕಾರಿರುಳ ಕಡುಗಪ್ಪು
ಬೇರ್ಪಡಿಸಿದರೂ ಬೇರಾಗದಂತೆ,
ನನ್ನುಸಿರ ಬಿಸಿಯು ನೀನಾಗಿ ಪ್ರತಿಕ್ಷಣವೂ
ನನ್ನ ಬೆಚ್ಚಗಿರಿಸುವಂತೆ, ಅವಿಭಾಜ್ಯವಾಗಿ
ಅವಿತುಕೊಳ್ಳುವ ಆಸೆ ನಿನ್ನಲ್ಲಿ ಬೆಳಕಿನ ಹೊನಲು ನನ್ನೆದೆಯಲಿ ನಿನ್ನ ಚಿತ್ತಾರವ ಬಿಡಿಸಿದಂತೆ.
- ಚುಕ್ಕಿ
19 Apr 2019, 09:10 pm
Download App from Playstore: