ಕಲಿಕೆಯ ಮಜಲುಗಳು
ತಾಯ ಒಡಲಿನಿಂದ
ಮಡಿಲ ಸೇರಿದಂದಿನಿಂದ
ಕಲಿಕೆಯು ಕವಲೊಡೆಯುವುದು
ಹಲವು ಮಜಲುಗಳ ಪಡೆದು
ತೊದಲು ನುಡಿಗಳಲ್ಲಿ
ಮಧುರ ಧ್ವನಿಯಲ್ಲಿ
ಅಕ್ಷರಗಳ ಮಂತ್ರ ಪಠಿಸುತ್ತ
ಬೆಳೆವೆವು ಸೆಳೆಯುತ್ತ ಸರ್ವರ ಚಿತ್ತ
ಮೂರು ವರುಷವ ದಾಟಿ
ಆರಂಭ ವಿದ್ಯೆಯ ಮೇಟಿ
ಮಾಡುವರು ನಾಟಿ ;
ಶಿಕ್ಷಕರು ಬೀಸುತ ಚಾಟಿ
ಬೆಳೆಯುವುದು ಗೆಳೆಯರ ಬಳಗ
ಪಡೆಯುತ ಹಂತಹಂತಗಳಲ್ಲಿ ವರ್ಗ
ಮುನ್ನೆಲೆಗಾಗಿ ಸೆಣಸಾಟ
ಸಹಪಾಟಿಗಳೊಂದಿಗೆ ಹೋರಾಟ
ಉತ್ತಮ ಅಂಕಗಳ ಗಳಿಸಿ
ವಿದ್ಯಾರ್ಥಿ ಜೀವನ ಮುಗಿಸಿ
ಪ್ರಾರಂಭ ಪ್ರಾಯೋಗಿಕ ಜೀವನ
ಅನುಭವದ ಅಸಲಿ ತಾಣ
ಶಾರದ
- ಶಕುಂತಲಾ
30 Apr 2019, 06:05 pm
Download App from Playstore: