ಮೃದು ನೆರಳ ಮೌನ
ಬೆವರ ಹನಿಯ ಮಿಂಚಲಿ ನನ್ನ
ನಗುವನು ಕೊಂಡು ತರುವನು,
ಕರೆ ಕರೆದು ಕಂದಾ ಎಂದು ಪ್ರೀತಿಯಿಂದ
ತುತ್ತನಿಡುವನು, ಎದೆಯ ಮೇಲಿನ
ಹೃದಯದಾಸಿಗೆಯಲ್ಲಿ ಬೆರಳ ತುದಿಯಲಿ
ಲಾಲಿ ಹಾಡುತ್ತಾ ಗಾಳಿಗೆ ತಂಪು ಕಲಿಸುವನು,
ನಿದ್ದೆಯ ಮಡಿಲಲಿ ನನ್ನ ಮಲಗಿಸುವವನು.
ಬೇರೊಂದು ಹೆಸರುಬೇಕೇನು ಅಪ್ಪ
ಎಂಬ ಆತ್ಮೀಯತೆ ಸಾಲುವುದಿಲ್ಲವೇ!
ಜೀವ ಮಿಡಿಯಲು ಅವನ ಒಂದು ಕರೆಗೆ.
ಗಡಸು ಧ್ವನಿಯಲ್ಲಿ ತುಸು ಕೋಪ ಹೆಚ್ಚಾದರೂನು
ಭುಜಕ್ಕೆ ಒರಗಿ ಕುಂತ ಕ್ಷಣ ಮೃಧು ನೆರಳ ಮೌನ ಸಾಕಾಗುವಷ್ಟುಂಟು ನನ್ನ ನೋವ ಹಂಚಿಕೊಳ್ಳಲು.
ಜೀವ ನೀಡಿದರೂ ಜೋಕಾಲಿ ಜೀಕುತಿರಳು
ಪುಟ್ಟ ಮಗು ತಾನಗುವನು, ಕಣ್ಣ ಮುಚ್ಚಿ ಕದ್ದು
ಮುಚ್ಚಿ ಓಡಿ ಬಂದು ಬಿಗಿದಪ್ಪಿ ಮುದ್ದಾಡುವನು,
ಹೇಳಲೆಷ್ಟು ಚಂದ ನೋಡುವ ನಾಯನಗಳಿಗೆ
ಆನಂದ ಅಪ್ಪನ ಪ್ರೀತಿ ಅವನೊಬ್ಬನಿಗೆ ತಿಳಿದ ರೀತಿ.
- ಚುಕ್ಕಿ
01 May 2019, 09:08 pm
Download App from Playstore: