"ಹಕ್ಕಿಯ ತೆರದಲಿ"
ಹಕ್ಕಿ ಹಾರುತಿದೆ ಗಗನದಂಚಿನಲ್ಲಿ
ಗರಿ ಬಿಚ್ಚಿ ಹೊಲಗದ್ದೆಗಳ ಬಯಲಿನಲ್ಲಿ
ರವಿಯ ಸಂಧಿಸುವ ಬಯಕೆಯಲ್ಲಿ
ಬೇಸಗೆಯ ಉರಿ ಬಿಸಿಲ ಧಗೆಯಲ್ಲಿ
ಉಲ್ಕಾಪಾತಗಳ ಆಸುಪಾಸಿನಲ್ಲಿ
ಗಿರಿವನಗಳ ಹಸಿರು ಕೊಂಬೆ ರೆಂಬೆಯಲ್ಲಿ
ಪರ್ವತ ಶ್ರೇಣಿಗಳ ಕಣಿವೆಗಳಲ್ಲಿ
ಹೂದೋಟಗಳ ಕಂಪು ಇಂಪಿನಲ್ಲಿ
ನಿರ್ಜನ ಹಾದಿಯ ಮರಳುಗಾಡಿನಲ್ಲಿ
ಕೆರೆ,ನದಿ, ಸಾಗರಗಳ ದಡದಲ್ಲಿ
ಜಲಪಾತಗಳ ಸಂದುಗೊಂದಿನಲ್ಲಿ
ಗವಿಗಹ್ವರಗಳ ಮಂಕುಬೆಳಕಿನಲ್ಲಿ
ಹಳ್ಲಿದಿಳ್ಳಿಗಳ ರಸ್ತೆಬದಿಯಲ್ಲಿ
ಜನಜಂಗುಳಿಯ ಗದ್ದಲದ ನಡುವಿನಲ್ಲಿ
ಕನಸ ನನಸಾಗಿಸುವ ತವಕದಲ್ಲಿ
ಪ್ರೀತಿ ಹಕ್ಕಿ ಹಾರುತಿದೆ ಜಗದಹೃದಯದಲ್ಲಿ
#ringformpoetry
© ೨೦೧೯ ಬಿ.ಎಸ್.ಸರೋಜ
೦೩/೦೬/೨೦೧೯
- Saroja BS
03 Jun 2019, 05:01 pm
Download App from Playstore: