ಜಾರುವ ಕಣ್ಣೀರಿಗೆ
ಜಾರುವ ಕಣ್ಣೀರಿಗೂ
ಆರುವ ವರವಂತೆ!!
ಕಳೆದಿಹುದು ಆ ನೋವು
ಯಾಕಿನ್ನು ಚಿಂತೆ!!
ಇರುಳು ಕಳೆದ ಮೇಲೆ
ಹಗಲೊಂದು ಮೂಡಿಹುದು!!
ಬೆಳಕಲ್ಲೂ ಭಯವೇಕೆ
ಓ ನನ್ನಯ ಕಾಂತೆ!!
ಬೆರಳ ಬೆಸೆಯಲು ಒಂದು
ಅಂಗೈಯು ದೊರೆತಿಹುದು!!
ನೆರಳ ಜೊತೆ ನೆರಳೊಂದು
ಏಕಾಂತ ಮರೆತಿಹುದು!!
ನೀನಿಲ್ಲಿ ಕುಳಿತಿರಲು
ಸಂಗಾತಿ ದೊರೆತಿಹನು!!
ಒಂಟಿ ನೀನಲ್ಲವೇ ಗೆಳತಿ
ಎಂದು ಅವನು ನುಡಿದಿಹನು!!
ಮನವು ಮುಗಿಲು ಮುಟ್ಟುವ
ಕಾಲವು ಬಂದಿಹುದು!!
ನೀ ಬೇಸರವನು ಮರೆತು
ಆ ನೇಸರನನು ಸೇರು!!
ಶುಭವಾಗುವ ಬದುಕಿಗೆ
ಶುಭಕಾಲವೇ ಎಲ್ಲ!!
ಈ ಶುಭಕ್ಷಣವೇ ಕೊನೆಯಾಗಲಿ
ನಿನ್ನ ಎಲ್ಲ ನೋವು!!
- ಪಿ.ಜಿ.ಜ್ಯೋತಿ
12 Jun 2019, 09:42 am
Download App from Playstore: