ಪದಗಳಲ್ಲಿ ನಾನು ಬೆರೆತೆ
ಅವಳು ಬರೆದ ಕವಿತೆ ಓದಿ
ನಾನು ಬರೆಯಲು ಕಲಿತೆನು!!
ಮೊದಲ ಸಾಲಿನಲ್ಲೇ ಸಾಗಿತು
ಮೊದಲ ಪ್ರೇಮ ಪಯಣವು!!
ಕಣ್ಣ ಭಾಷೆಯ ಅರಿತ ಮೇಲೆ
ಎದೆಯ ಒಳಗೆ ಅವಳ ಲೀಲೆ!!
ಹಗಲು ಇರುಳು ಕಣ್ಣ ಒಳಗೆ
ಅವಳೇ ಬಂದು ಸುಳಿದ ಹಾಗೆ!!
ಬರೆವ ನನ್ನ ಕೈ ನಡುಗುತಿರಲು
ಅವಳೇ ಬಂದು ತಿದ್ದಿಸಿದ ಹಾಗೆ!!
ಅಕ್ಷರವ ಎಣಿಸಿ ಪದವ ಕೂಡಿಸಿ
ಬರೆದೆ ಸಾಲದು ಕವಿತೆಯಾಯ್ತು!!
ಅವಳಿಗಾಗೇ ನಾನು ಬರೆದಿಹ
ಮೊದಲ ಕವಿತೆ ಪ್ರೇಮ ಕವಿತೆ!!
ಅವಳು ಓದುವ ಮುನ್ನ ಹೋಗಿ
ಆ ಪದಗಳಲ್ಲಿ ನಾನು ಬೆರೆತೆ!!
- ಪಿ.ಜಿ.ಜ್ಯೋತಿ
12 Jun 2019, 10:07 am
Download App from Playstore: