ಮತ್ತೆ ಚಿಗುರದ ಮಾಮರ
ಮತ್ತೆ ಚಿಗುರದ
ಮಾಮರವು ಅಳುತಲಿ
ತಾ ಬಯಸಿದೆ
ಕೋಗಿಲೆಯ ಧನಿಯ!!
ಮಾಮರದಿ ಮೈ ಮರೆತು
ಹಾಡುವ ಕೋಗಿಲೆಯ
ಕೊರಳಲ್ಲೂ
ಯಾವುದೋ ನೋವು!!
ತಾ ಹೆತ್ತ ಕೂಸನು
ಮುದ್ದಿಸುವ ಹಾಗಿಲ್ಲ
ಅಕ್ಕರೆಯ ತುತ್ತಿಕ್ಕಿ
ಅಪ್ಪುವ ಸಲಿಗೆ ಇಲ್ಲಿ!!
ಒಣ ಮರಕೆ ನೀರಿತ್ತು
ಸಲಹುವರು ಯಾರಿಲ್ಲ
ಒಣ ಮರದಿ ಗೂಡು ಕಟ್ಟಿ
ಆಡುವ ಹಕ್ಕಿಗಳೂ ಇಲ್ಲ!!
ಯಾರಿತ್ತ ಶಾಪವೋ
ಪ್ರಕೃತಿಯ ನಿಯಮವೂ
ಬದಲಿಸಿ ಬಾಳಲೂ
ಯಾರಿಂದಲೂ ಆಗಿಲ್ಲ!!
ತನ್ನ ಮನದ ಆ ನೋವ
ಎದೆಯೊಳಗೆ ಬಚ್ಚಿಟ್ಟು
ಇದುವರೆಗೂ ಕೊರಗುತಿದೆ
ನೂರಾರು ಜೀವ!!
- ಪಿ.ಜಿ.ಜ್ಯೋತಿ
12 Jun 2019, 10:23 am
Download App from Playstore: