ಕಥಾ-ನಾಯಕ 'ಕಟ್ಲಾಯ'ನೀತ
ಗಿಡ್ಡನೆಯ-ದಪ್ಪನೆಯ ದೇಹದ ಆಕಾರ..
ಹೆಗಲಮೇಲೊಂದು ಉದ್ದದ ಸೇಲ್ಯದ ವಿಕಾರ..
ದಣಿವರೆಯದೆ ಬೆವರ ಸುರಿಸುವ ಕೆಲಸಗಾರ..
ಏಟ್ಟಿ-ಗಟ್ಟಿತನಕೆ ನಮ್ಮಪ್ಪನೆ ಕಾವಲುದಾರ..
ವೃತ್ತಿಯಲ್ಲಿ ಮೂಟೆನೋರುವ ಹಮಾಲನಾತ..
ಪ್ರವೃತ್ತಿಯಲ್ಲಿ ಎಂಟೆತ್ತಿನ ಕೊಬ್ಬ ಕುಗ್ಗಿಸುವ ವಕ್ಕಲಿಗನಾತ..
ಉಟ್ಟ-ಬಟ್ಟೆಯಮೇಲೆ ಮನೆಯಿಂದ ನೂಕಿಸಿಕೊಂಡ ನತದೃಷ್ಟನಾಟ..
ಬಾಳೆಯ ಹಣ್ಣಿನ ಸಿಪ್ಪೆಯ ತಿಂದು ಬದುಕಿದಾತ.
ಸಾಲ-ಸೂಲಕೆ ಎದೆಯೋಡೆಯುವ ಗೀರಾಕಿಯಾತ
ಬೀಗರು-ಬಿಜ್ಜರನು ಗುಜ್ಜರಿಗೆ ಹಾಕುವಾತ..
ಮಾನ-ಅವಮಾನಕೆ ಭಯಂಕರ ಹೆದರುವಾತ..
ಅಭಿಮಾನ-ಸ್ವಾಭಿಮಾನಕೆ ಎಡೆಗೊಟ್ಟು ನಿಲ್ಲುವಾತ.
ಅಲ್ಬಳ-ತೋಳ್ಬಲಕೆ ಹೆಸರುವಾಸಿಯಾತ..
ಸಿಟ್ಟು-ಬಂದರು ಪಟ್ಟ ಅಂತ ಬಡಿಯದಾತ..
ಅವಾಗವಾಗ ಅವ್ವನ ಜೊತೆ ಕೋಳಿ ಜಗಳ ಆಡುವಾತ..
ಈತನೇ ನಮ್ಮಪ್ಪ ಏಟ್ಟಿ-ಗಟ್ಟಿ ಕಟ್ಲಾಯ'ನೀತ
- ಆರ್ ಎಸ್ ಸುಗ್ಗಿ.
29 Jun 2019, 07:37 pm
Download App from Playstore: