ನೆನಪು
ಆ ಕಂಗಳ ಬೆಳದಿಂಗಳ
ನೆನಪಿಂದು ಮೂಡಿದೆ ...
ಮರೆಯಾದ ಆ ಕಿರುನಗೆಯನ್ನು ನೆನೆದು
ಮನನೊಂದು ಹಾಡಿದೆ
ಆ ಊರು ಆ ಬೀದಿ ಆ ಮನೆ
ಆ ಮನೆಯ ಹಿತ್ತಿಲು
ಆ ಬೇಲಿ ಆ ಪೊದೆ ಆ ಮರ
ಆ ಕವಿದ ಕತ್ತಲು
ಗುಟ್ಟಾಗಿ ಪ್ರತಿಸಂಜೆ ನನಗಾಗಿ ಅಲ್ಲಿ
ಕಾಯುತ್ತಿತ್ತು ಒಂದು ಜೀವಾ ...
ಸಿಹಿಮಾತಿನಿಂದ ಸವಿಸನಿಹದಿಂದ
ಕಳೆಯುತ್ತಿತ್ತು ಎಲ್ಲ ನೋವಾ ...
ಕಿಣಿ ಕಿಣಿ ಬಳೆಗಳ ನಿಲುನಾದ
ಮೂಗುತಿಯ ಮೆರುಗು
ತುರುವಿನ ಮಲ್ಲಿಗೆ ನರುಗಂಪು
ನಾಚಿಕೆಯ ಸೆರಗು ...
ಆ ಸ್ಪರ್ಶ ಆ ಹರ್ಷ ರೋಮಾಂಚನ
ಆ ನಗೆ ಬೆಳದಿಂಗಳು
ಕನಸಂತೆ ಕರಗಿ ವಾಸ್ತವತೆ ಎರಗಿ
ಈಗಿಲ್ಲಿ ಬಿರು ಬಿಸಿಲು
ಆ ಕಂಗಳ ಬೆಳದಿಂಗಳ
ನೆನಪಿಂದು ಮೂಡಿದೆ ...
ಮರೆಯಾದ ಆ ಕಿರುನಗೆಯನ್ನು ನೆನೆದು
ಮನನೊಂದು ಹಾಡಿದೆ ... ... ...
- Radhika Narasimha
02 Jul 2019, 08:45 pm
Download App from Playstore: