ಅವಳ !
ಅವಳ ಚಲುವ
ನಾ ಹೇಗೆ ಬಣ್ಣಿಸಲಿ ?
ಕಣ್ಣು ಮುಚ್ಚಿದರೂ
ಅವಳ ರೂಪ ಕಣ್ಣೆದುರಲ್ಲಿ.
ಅವಳ ನಗುವ
ನಾ ಹೇಗೆ ಚಿತ್ರಿಸಲಿ ?
ಏಕಾಂತದಲ್ಲಿ ಕುಳಿತರೂ
ನಗಿಸುವುದು ಅವಳ ನಗುವಿಲ್ಲಿ.
ಅವಳ ಶೃಂಗಾರವ
ನಾ ಹೇಗೆ ಸಿಂಗರಿಸಲಿ?
ಸಂತೆಯಲ್ಲಿ ನಿಂತರೂ
ಸಂಭ್ರಮಿಸುವುದು ಮನವಿಲ್ಲಿ.
ಅವಳ ನಾಚಿಕೆಯ
ನಾ ಹೇಗೆ ಸೆರೆ ಹಿಡಿಯಲಿ?
ಅವಳೊಮ್ಮೆ ನೋಡಿ ನಾಚಿದರೆ
ನಿಂತು ನೀರಾಗುವೆ ನಾನಿಲ್ಲಿ.
ಅವಳ ಹೃದಯವ
ನಾ ಹೇಗೆ ಅಳೆಯಲಿ?
ಹೃದಯ ಕಲಕುವ ಹಾಗೆ
ನೋಡಿ ಕೊಲ್ಲುತ್ತಿಹಳು ಅವಳಿಲ್ಲಿ.
- ನಾಗರಾಜ ಬಾಕೆ೯ರ್
13 Jul 2019, 08:28 am
Download App from Playstore: