ಯಾಕೆ ಬಂದೆ ಗೆಳೆಯಾ ನೀನು
ಯಾಕೆ ಬಂದೆ ಗೆಳೆಯಾ ನೀನು
ನನ್ನ ಬಾಳಿನಲ್ಲಿ!!
ಸಿಲುಕಿ ಕೊಂಡೆನಲ್ಲಾ ನಾನು
ಪ್ರೀತಿ ಪಾಶದಲ್ಲಿ!!
ಹೃದಯವೆಂಬ ಸುಂದರ ವೀಣೆಯ
ನುಡಿಸ ನೀನು ಬಂದೆ!!
ಸ್ವರವ ಹರಿಸೋ ಮುನ್ನ ನೀನು
ತಂತಿ ಹರಿದು ಬಿಟ್ಟೆ!!
ಸೋತು ಹೋದೆ ಬದುಕು ನನದು
ನಿನಗೆ ತಿಳಿಯದೇನು!!
ಮೂಖವಾದ ಅದರ ತೊದಲಿ
ಮಾತನು ಆಡದು ಇನ್ನು!!
ವಿಧಿಯ ಆಟ ಬಲ್ಲವರಾರು
ಎದೆಯ ನೋವ ಕೇಳುವರಾರು!!
ಇರುಳು ಕವಿದ ಬದುಕಿಗೆ ಈಗ
ಹಣತೆ ಹಚ್ಚಿ ಬೆಳಗುವರಾರು!!
- ಪಿ.ಜಿ.ಜ್ಯೋತಿ
25 Jul 2019, 02:01 pm
Download App from Playstore: