ಅವ್ವನ ಹುಡುಕಾಟ
ಅವ್ವನ ಹುಡುಕಾಟ
ಅವ್ವಾ ಕಡಲ ತೀರದಲ್ಲಿ ಕುಳಿತಾಳೆ
ಒಡಲೊಳಗೆ ಕೂಸು ಕಟ್ಟಿಕೊಂಡು
ಹರಿದು ಬರುವ ತೊರೆಗಳೆಲ್ಲವನ್ನು ನೋಡುತ್ತಾ
ಮುಗಿಲೊಳಗೆ ಸುರಿವ ಮಳೆಹನಿಯು ನೋಡುತ್ತಿರುವಳು ಅವ್ವಾ
ಒಡಲೊಳಗಿನ ಕೂಸು ಕೇಳುತ್ತಿದೆ
ಅವ್ವಾ ಮಳೆ ಭರದಿ ಸುರಿವ ಸಾಗರಕ್ಕೆ ಅಪ್ಪಳಿಸಿ ಬರುವುದು ನನಗೆ ಕೇಳುತ್ತಿರುವಾಗ
ನಿನಗೆ ಭಯವಿಲ್ಲದೆ ಕುಳಿತಿರುವೇಕೆ ?
ಮಗಾ ಕೃಷ್ಣಾ ನದಿಯು ಅಪ್ಪಳಿಸಿ ನನ್ನವರನ್ನು ಹೊತ್ತು ತರುತ್ತಿದೆ ತೊರೆಯ ಅಲೆಗಳಲ್ಲಿ ನಿನ್ನಣ್ಣ ನಿನ್ನಕ್ಕಂದಿರು
ಹರಿವ ನೀರಿನ ಸುಳಿಯಲ್ಲಿ ತೊರೆ ಹೊತ್ತು ಬರುತ್ತಿದೆ ಈ ಕಡಲ ತೀರಕ್ಕೆ ಸಾಗಿಸೆ ಬರುವುದ ಕಾಯುತ್ತಿರುವೆ
ತಡಿಮಗುವೆ ನವ ಮಾಸದೊಳಗೆ ಹೆತ್ತು ಹೊತ್ತು ಸಾಕಿ ಸಲಹಿದ ನನ್ನ ಕರುಳಿನ ಕುಡಿಗಳು ಯಮನ ಹಗ್ಗದೊಳಗೆ ಸಿಲುಕಿ ಒದ್ದಾಡುವ ನನ್ನ ಕರುಳಿನ ಬಳ್ಳಿ ಹರಿದು ತುಂಡಾಗಿ ನೀರೊಳಗೆ ಮುಳುಗಿವೆ ಮಗಾ
ಹೇಗೆ ಸಹಿಸಲಿ ಎದೆಯೊಳಗಿನ ದುಃಖ
ಸುರಿಸುತ್ತಿದೆ ರಕ್ತಕಣ್ಣೀರ ಅವ್ವನ ಕಣ್ಣಲ್ಲಿ
ಕರುಣೆ ಇಲ್ಲವೆ ಅವ್ವನ ದುಃಖವ ಕಂಡು
ಮುಗಿಲ ಮಳೆರಾಯ ಯಮನ ಹಗ್ಗದಂತೆ ಬೀಸಿರುವ
ಒಡಲೊಳಗೆ ಉರಿ ಹೊತ್ತಿ ಧರೆಯೊಳಗೆ ಸುರಿದಿದೆ
ಕರುಳು ಬಳ್ಳಿಯ ಕಳೆದುಕೊಂಡು ಹೇಗಿರಲಿ
ನಿನ್ನಪ್ಪನು ಹುಡುಕುತ್ತಿರುವ ಕೃಷ್ಣನದಿಯ ತೊರೆಯಲ್ಲಿ
ಅವ್ವನ ಮನಸ್ಸು ಅದೆಂತಹ ಅದ್ಭುತ ಅನುಭವ
ಹರಿದು ಬರುವ ತೊರೆಗಳೆಲ್ಲ ಕಡಲ ಸೇರಲು ಬರುವುದು ಅದಕ್ಕೆ ಕಾಯುತ್ತಿರುವೆ
ನನ್ನ ಕುಡಿಯ ದೇಹವಾದರು ಸಿಗಬಹುದೆಂದು
ಅಲೆಗಳಿಗೆ ಬಲೆಯಾಕಿ ಕುಳಿತಿರುವೆ ಮಗು
ಜಿ ಟಿ ಆರ್ ದುರ್ಗ
ಬಂಗಾರಪೇಟೆ
- Gtramachandrappa Ramachandrappa
17 Aug 2019, 11:12 am
Download App from Playstore: