ಮನ ಮಸಣವಾಗಿದೆ
ಮುಡಿದ ಮಲ್ಲಿಗೆ
ಮುದುಡಿ ಮರುಗಿದೆ
ಕೈಯಲಿ ಕುಣಿವ
ಬಳೆ ಮೈಮರೆತು ಮಲಗಿದೆ
ಕಾಲಿಗಿಟ್ಟ ಗೆಜ್ಜೆ ಸದ್ದು
ಮರೆತು ಸತ್ತೇ ಹೋಗಿದೆ
ನಿನ್ನೇ ನಿರೀಕ್ಷಿಸಿ ಕಾದ ಕಣ್ಣ
ಕಾಡಿಗೆಯ ಮುಖ ಕಪ್ಪಿಟ್ಟಿದೆ
ನಿನಗಾಗಿ ಕಾದ ಹಾದಿಯಿಲಿ ಸಿಕ್ಕ
ತಂಗಾಳಿ ಮಾತಿಗಿಳಿದು ಅಣಕಿಸಿದಂತಿದೆ
ಜೊತೆಗೂಡಿ ನಲಿವ ಹಕ್ಕಿಗಳ ಚಿಲಿಪಿಲಿಯೂ
ನಿನ್ನ ನೆನೆಸಿ ಜೀವ ಹಿಂಡುತಿದೆ ಗೆಳೆಯ
ನೀ ಬರಬೇಕಿರುವ ಹಾದಿ
ಕಾದು ಸೋತು ಕುಳಿತ
ನನ್ನ ನೋಡಿ ಸ್ಥಬ್ಧವಾಗಿದೆ
ಮಾತಿಗೆ ಕಾದು ನೀರವತೆಯಲಿ
ಬಿಕ್ಕಿ ಅತ್ತು ಮನ ಮಸಣವಾಗಿದೆ ಗೆಳೆಯ
ನಾನೇ ಸತ್ತು ಮಲಗಿದಂತ ಮಸಣವಾಗಿದೆ
- ಶ್ರೀಕಾವ್ಯ
08 Sep 2019, 07:17 pm
Download App from Playstore: