ಯಾರು ಸ್ಫೂರ್ತಿ?
ಯಾವ ದೇವತೆಯರ ನೆನೆಯಲಿ, ಆಗಿರಬಹುದೆ ಗುರುಗಳಲ್ಲದೆ ನನಗೆ ಈ ಮೂವರೂ ಸ್ಪೂರ್ತಿ??
ನನ್ನಾತ್ಮ ತೊಳಲಾಡಿ ಬೇಯುತಿರಲು ಬೇಗೆಯಯಲಿ,
ನವ ಮಾಸಗಳ ಹೊತ್ತು ತಂದಳು ನನ್ನನೀ ಜಗದಲಿ...
ಮೋಕ್ಷದಾ ಪಯಣದಲಿ ಮೊದಲನೆಯ ವನಿತೆ....
ಈ ಜನ್ಮದಾತೆ!
ತನ್ನೊಡಲ ಕುಡಿಯನು ಎನಗೆ ಧಾರೆಯೆರೆದಾ ತಾಯಿ, ತನ್ನಯಾ ಮಗನಂತೆ ತೋರಿದಳು ಮಮತೆ!!
ಸಾಧ್ಯವೇ ಎನಗೆ ತೀರಿಸಲು ಈ ಋಣವ ?
ಮೋಕ್ಷದಾ ಪಯಣದಲಿ ಎರಡನೆಯ ವನಿತೆ......
ಈ ನನ್ನ ವರವತ್ಸಲೆ!!!
ತನ್ನೆಲ್ಲ ಆಸೆಗಳ ನನಗಾಗಿ ತ್ಯಜಿಸಿ, ಜೀವತೆಯ್ದಳು ಈಕೆ, ನನ್ನಾಸೆ ಭರಿಸೆ,
ಭವ ಸಾಗರವ ಈಜಲು ನನ್ನ ಜೊತೆಯಾದ ಸಖಿಯೆ
ಮೋಕ್ಷದಾ ಪಯಣದಲಿ ಮೂರನೆಯ ವನಿತೆ.....
ಈ ನನ್ನ ಪ್ರಾಣ ವಲ್ಲಭೆ!!
ಈ ಮೂವರಲಿ ಇಹುದೊಂದು ಸಾಮರಸ್ಯ
ಅದುವೆ ಪದಬಂಧದಾ ಹವ್ಯಾಸ .....
ಆಗಿತ್ತೇ ಇದು ನನ್ನ ಸ್ಫೂರ್ತಿ?
- ಜೈಮಿನಿ
09 Sep 2019, 11:43 pm
Download App from Playstore: