ಕನ್ನಡವೇ ನಮಗೆಲ್ಲ
ಕನ್ನಡವೇ ನಮಗೆಲ್ಲ
ಸವಿಯಾದ ಸಿಹಿ ಬೆಲ್ಲ
ಕನ್ನಡಕೆ ಒಂದೇ ಕುಲ
ಕನ್ನಡಿಗರು ನಾವೆಲ್ಲ
ಭಾಷೆ ಹಲವಾರೇ ಇರಲಿ
ಕನ್ನಡವೇ ನಮಗೆ ಮೊದಲಿಲ್ಲಿ
ಸಹ ಬಾಳ್ವೆಯೇ ಧ್ಯೇಯವಿಲ್ಲಿ
ಸಕಲ ಭಾಷಿಗರಿಗೂ ಸಮ ಸ್ಥಾನವಿಲ್ಲಿ
ಸರ್ವಜ್ಞನ ಜ್ಞಾನ, ಬಸವಣ್ಣರ ವಚನ
ಕೇಳವಾ ಕಿವಿಗಿಂಪು ಕನ್ನಡ ಸವಿ ಗಾನ
ದಾಸರ ಪದಗಳು, ಶರೀಫರ ತತ್ವವೆಷ್ಟು ಚೆನ್ನ
ಕಸ್ತೂರಿ ಕನ್ನಡದ ನುಡಿ ನುಡಿವ ನಾಲಗೆಯು ಚಿನ್ನ
ಹಳೆಗನ್ನಡ, ನಡುಗನ್ನಡ, ಹೊಸ ಕನ್ನಡ
ಕಾಲ ಕಾಲಗಳಿಂದ ಬೆಳೆದು ಉಳಿದ ಕನ್ನಡ
ಇಂದು, ಮುಂದು, ಎಂದೆಂದಿಗೂ ಕನ್ನಡ
ಕೆಚ್ಚೆದೆಯ ಕನ್ನಡಿಗನಲ್ಲಿ ಅಚ್ಚಿಳಿದು ಉಳಿದಿದೆ ನೋಡ
ನರಕಕ್ಕೆ ಕಳ್ಸಿ ನಾಲ್ಗೆ ಸೀಳ್ಸಿ ಬಾಯೊಲ್ಸಾಕಿದ್ರೂ
ಮೂಗ್ನಲ್ ಕನ್ನಡ ಪದವಾಡೋರು ನಮ್ ಕನ್ನಡದವ್ರು
ಎಂಥಾ ಸ್ವಾಭಿಮಾನ, ಭಾಷಾಭಿಮಾನಿಗಳು ನಮ್ಮವ್ರು..!
ಕೇಳಲು ಮೈ ನವಿರೇಳುವುದು ಕನ್ನಡವೇ ನಮ್ಮ್ ದೇವ್ರು
- Tribhuvan
15 Sep 2019, 11:07 pm
Download App from Playstore: