ಕಮ್ಮಟ
ಪುಂಗಿ ಊದುವ
ಹಂಗು ಯಾತಕೆ
ಅಂಗಿ ಕಳಚುವ ದೇಹವೇ
ಜಂಬ ಕರಗಿಸಿ,
ಕೊಬ್ಬು ಜಾರಿಸಿ
ಮನವ ಎಬ್ಬಿಸು ಮೌಢ್ಯವೇ
ಕನಸು ಕಟ್ಟಲು
ನಿನ್ನದೇನಿದೆ
ಯಾರ ಮಣ್ಣಲಿ ಮತ್ಸರ
ಜಗವು ಬೆಳಗುತ,
ಮತ್ತೆ ಬಾಡುತ
ಮಾಯವಾಗುವ ಚಪ್ಪರ
ನಾನು ನನ್ನವ,
ಎಣಿಸಿ ಕೊಂಡವ
ಹಾದಿ ತಪ್ಪಿಸಿ ಬಿಟ್ಟನು
ಗುರಿಯ ತಲುಪದೆ
ಗುಣವ ತಿಳಿಯದೆ
ಕೊನೆಗೆ ತಾನೇ ಕೆಟ್ಟನು
ಹಣತೆ ಉರಿಯಲಿ
ಒರತೆ ಚಿಮ್ಮಲಿ
ಮತ್ತೆ ಚಿಗುರಲಿ ಹೊಮ್ಮತ
ನಿನ್ನೆಯಂತೆಯೆ
ನಾಳೆ ಎಂದರೆ
ಇಂದು ಯಾತಕೆ ಕಮ್ಮಟ
- basheer
20 Sep 2019, 05:47 pm
Download App from Playstore: