ಪ್ರತಿಬಿಂಬ
ಪ್ರಭಾತ ಕಿರಣಗಳು
ಒಣ ಶಿಖರಗಳ ಚಿತ್ರವ ಬಿಡಿಸಿದಾಗ
ಮರಳ ಹಲಗೆಯಲಿ ನಾ ಕಂಡೆ
ಮೊದಲ ಬಾರಿಗೆ ನಿನ್ನ ಪ್ರತಿರೂಪವ
ಬರಬರುತ್ತಾ ಅಗ್ನಿಯ ತಾಮ್ರ ವರ್ಣಗಳು
ಬೇರುಗಳ ಮೂಲಕ ಗರ್ಭಕ್ಕಿಳಿದು
ಬಾಯಾರಿಕೆ ನೀಗಿಸಿದಾಗ
ಕಂಡೆ ನಾ ಅಸಹಾಯಕತೆಯ ಬಿಂಬವ
ನಿನ್ನೆ ಮೊನ್ನೆಗಳ ಸಂಬಂಧಗಳು
ಒಂದಾನೊಂದು ಕಾಲದ
ಕಥೆಯಂತೆ ವ್ಯಥೆಯಾದಾಗ
ಚಿತ್ರವಾಗಿ ಕಾಡ ತೊಡಗಿತು ವಾಸ್ತವ
ಎಲ್ಲೋ ಕೇಳುತ್ತಿದ್ದ ಸದ್ದು ಗದ್ದಲಗಳು
ಹತ್ತಿರ ಹತ್ತಿರ ಕೇಳಿಸಿ
ಕೊನೆಗೆ ಕಿವಿಯ ಕಚ್ಚಿದಾಗ
ಕಂಡೆ ನಾ ನನ್ನದೇ ಪ್ರತಿಬಿಂಬವ
- basheer
21 Sep 2019, 09:10 am
Download App from Playstore: