ಮರಳದು ಕಾಲ ಮತ್ತೆ
ತಿಂಗಳ ಬೆಳಕನ್ನು
ಅಂಗೈಯ ಬೊಗಸೆಯಲಿ
ಹಿಡಿಯಲು ಕಾದು ಕುಳಿತೆ!!
ಕಾಡುತಿಹ ಕನಸೊಂದು
ಅಸ್ಪಷ್ಟ ನೆನಪಿನಲಿ
ಬದುಕಿದೋ ಕುರುಡು ಸಂತೆ!!
ನಿದಿರೆಯಲಿ ಕಂಡಿರುವ
ಕನಸಿನ ಬೆನ್ನು ಹತ್ತಿ
ಓಡಿರಲು ಬರಿಯ ಚಿಂತೆ!!
ಇರುಳ ಕನಸನು ಮರೆತು
ಇರುವ ಬದುಕನು ಅರಿಯೆ
ನಿಜಸುಖವು ದೊರೆತಂತೆ!!
ಒಲೆಯ ಮೇಲೆ ಉಕ್ಕಿ
ಕೊತಕೊತನೆ ಕುದಿಯುತಿಹ
ಬಿಸಿ ಗಂಜಿ ಹಳಸಿದಂತೆ!!
ಮುಗಿಯುವ ಕಾಲದಲಿ
ನಗುವುದ ಮರೆತರೆ
ಮರಳದು ಕಾಲ ಮತ್ತೆ!!
- ಪಿ.ಜಿ.ಜ್ಯೋತಿ
26 Sep 2019, 11:31 am
Download App from Playstore: