ಧರೆಯು ಸುಡುತಿದೆ
ಧರೆಯು ಸುಡುತಿದೆ
ಜ್ವರವು ಹೆಚ್ಚಿದೆ
ವರುಷ ವರುಷದಿಂದೀಚೆಗೆ
ವಿಷವ ಕಾರಲು
ನಭಕೆ ಮನುಜನು
ನದಿಯು ಸಾಗರದೊಡಲಿಗೆ
ಪ್ರಾಣಿ ಪಕ್ಷಿಯ
ಸಂಕುಲವಳಿದಿದೆ
ಕಾಡ ಕಡಿಯುವ ಕೃತ್ಯಕೆ
ರವಿಯ ತೀಕ್ಷ್ಣದ
ಕಿರಣ ತಡೆಯಲು
ಬಾನ ಪದರವು ಸೋತಿದೆ
ಭುವಿಯ ಧ್ರುವದೀ
ಮಂಜು ಕರಗಿದೆ
ಶಾಂತ ಸಾಗರ ಉಕ್ಕಿದೆ
ನರೆಯು ಬಂದಿದೆ
ನಾಡು ಕೊಚ್ಚಿದೆ
ಧರೆಯ ಸೆರಗದು ಜಾರಿದೆ
ವರುಣ ಕೃಪೆಯದು
ಕಡಿಮೆಯಾಗಿದೆ
ಜಲದ ಕ್ಷಾಮವು ಹೆಚ್ಚಿದೆ
ಜಲದ ಜಗಳವು
ರಾಜ್ಯ ದೇಶದ
ನಿತ್ಯ ರಗಳೆಯು ಆಗಿದೆ
ಹಸಿರು ಧರೆಯನು
ನನ್ನ ಮಗಳಿಗೆ
ಮಾಘ ಮಾಸದಿ ತೋರಿದೆ
ನೋಡಬಹುದೇ
ಬೆಂಕಿ ಯುಂಡೆಯನೆಲ್ಲ
ಮಾಸದಿ ನಮ್ಮ ಮುಂದಿನ ಪೀಳಿಗೆ?
ಧರೆಯ ನುಳಿಸುವ
ಪುಣ್ಯ ಕಾರ್ಯದಿ
ಅಳಿಲ ಸೇವೆಯು ಬೇಕಿದೆ!
- ಜೈಮಿನಿ
29 Sep 2019, 03:13 pm
Download App from Playstore: