ಮರೆಯದಿರು ನನ್ನಾ.
ಮರೆಯದಿರು ನನ್ನಾ
ನಿನ್ನ ತನವ ನೀ ತಿಳಿಯದೆ.
ಕಳೆದೋಗುವ ಕತ್ತಲೆಯ - ಭಯ
ವಿಧ ವಿಧದ ಬಣ್ಣದ
ಮಿರುಗುವ ಬೆಳಕಿನಲಿ
ಅವಿತು ಕುಳಿತಿರುವೆ
ಕಂಗಳಲ್ಲಿ ನೆಮ್ಮದಿಯ ಕಾಣದೆ
ಮರೆಯದಿರು ನನ್ನಾ - ಎಣ್ಣೆದೀಪ.
ಬೇಸಿಗೆ ಬಾಯಾರಿಕೆಯ - ಭಯ
ಅಕ್ವಾ ಅಲ್ಟ್ರಾ ತಂದಿರುವೆ
ಫ್ರಿಜ್ ನಲ್ಲಿ ಪೆಪ್ಸಿ ಜೋಡಿಸಿರುವೆ
ನಿನ್ನ ನೆಲವ ನೀನು ನೋಡದೆ
ಮರೆಯದಿರು ನನ್ನಾ - ಮಣ್ಣಿನ ಮಡಿಕೆ.
ಮಕ್ಕಳ ಮನರಂಜನೆ - ಭಯ
ಪಬ್ ಜಿ, ಕ್ಯಾಂಡಿಕ್ರಶ್, ಟೆಂಪಲ್ ರನ್
ಮೊಬೈಲ್ ನಲ್ಲಿ ಇನ್ಸ್ಟಾಲ್ ಮಾಡಿರುವೆ
ಮೊಗ್ಗಿನ ಮನಸ್ಸನ್ನು ಅರಿಯದೆ
ಮರೆಯದಿರು ನನ್ನಾ - ಮರಕೋತಿ ಆಟ ಕುಂಟೆಬಿಲ್ಲೆ ಆಟ.
ಮನ ಮನೆಯ ಶೃಂಗಾರ
ಅಂತಸ್ತು ಆರೋಗ್ಯದ - ಭಯ
ಗಟ್ಟಿ ಕಿಟಕಿ ಬಾಗಿಲು
ವೇಗದ ಕಾರು ಸ್ಕೂಟರ್
ಎ. ಸಿ. ಒಳಗಡೆ ಇಟ್ಟಿರುವೆ
ತಾಪದ ಏರಿಕೆಯ ಲೆಕ್ಕಿಸದೆ
ಮರೆಯದಿರು ನನ್ನಾ - ಗಿಡಮರ ಸೈಕಲ್.
ನಮ್ಮ ಕನ್ನಡ
ಬೆಳಸಿ ಉಳಿಸಿಕೊಳ್ಳುವ - ಭಯ
ಹೆಸರುಗಳು ಬದಲಾವಣೆ
ಬೇಡ ಇಂಗ್ಲೀಷ್ ಹೋರಾಟ
ಮಾರ್ಗ ಗ್ರಂಥಗಳ ಜೋಡಿಸಿರುವೆ
ತತ್ವ ಪದಗಳ ನೀನು ಅನುಭವಿಸದೆ.
ಮರೆಯದಿರು ನನ್ನಾ - ಮೌಖಿಕ ರೂಪ.
- ಪ್ರವೀಣಾಸಿಂಗೋನಹಳ್ಳಿ
- praveens singonahalli
01 Oct 2019, 12:35 pm
Download App from Playstore: