ಬೆದರು ಬೊಂಬೆ
ನಿನ್ನೆಗಳ ಸಮಾಧಿ ಮೇಲೆ
ಚಿಗುರೊಡೆದ ಗಗನ ಚುಂಬಿಗಳೊಳಗೆ
ಚೀರಾಟಗಳ ದೀನ ರಾಗ
ಮರೆವು ವರವೆಣಿಸಿ, ಕುಣಿದಾಡುತ್ತಲೇ
ಮರೆಯಾಗುವ ಮೌನ ರಾಗ !
ನೆರೆಯ ನೋವಿಗೆ ರಾಗವಿಲ್ಲ
ಮರಣ ವ್ಯಾಪಾರಿಗಳಿಗೂ ಬರವಿಲ್ಲ
ತಿರುಗು ಚಕ್ರದ ಮುಂದಿನ ಗುರಿ
ನಾನೇ ಎನ್ನುವ ಅರಿವಂತೂ ಇಲ್ಲವೇ ಇಲ್ಲ.
ಮರಣ ಭೀಕರ ಎಣಿಸುವುದಿಲ್ಲ
ಕೈಗಳಿಲ್ಲದ ಕಂದನಿಗೆ ಕಾಲುಗಳೂ ಇಲ್ಲ
ರುಂಡ ಬೇರ್ಪಟ್ಟ ಮೇಲೆ ಏನಿದ್ದರೇನು ?
ನರಳಿ ಒದ್ದಾಡುತ್ತಿದೆ ಬಾಲ್ಯಗಳು.
ಯುದ್ಧಪ್ರಭುಗಳ ಕಾರುಬಾರುಗಳಿಗೆ
'ಶಾಂತಿ ಪ್ರೀಯರ'ರ ಒತ್ತಾಸೆಗಳು
ಬೆದರು ಬೊಂಬೆಯಾದ ರಾಜನಿಗೆ
'ಅಯ್ಯೂಬೀ' ಬಗ್ಗೆ ಅರಿವೇ ಇಲ್ಲ.
(ಅಯ್ಯೂಬಿ= ಹಿಂದೆ ಅರೇಬಿಯಾವನ್ನು ಆಳಿದ ಮಹಾನ್ ರಾಜ)
- basheer
03 Oct 2019, 11:32 am
Download App from Playstore: