ತಾಯಿ ದೇವಕಿ
ಒಂಬತ್ತು ತಂಗಳು
ಗರ್ಭದಿ ನಿನ್ನಿರಿಸಿ
ಹಡೆದಳಾ ತಾಯಿ ದೇವಕಿ!!
ಅಂಗೈಯ ಬೊಗಸೆಯಲಿ
ಕಂದನ ಮೊಗ ನೆನೆದು
ಮುದ್ದಿಸಿದಳಾ ತಾಯಿ ದೇವಕಿ!!
ಬರಿಗೈಯ ತಾ ಹಿಡಿದು
ಮುತ್ತಿಕ್ಕಿ ಎತ್ತಾಡಿ
ಲಾಲಿಸಿದಳಾ ತಾಯಿ ದೇವಕಿ!!
ತುಂಬಿದ ಎದೆಯಿಂದ
ಅಮೃತವನು ಚಿಮ್ಮಿ
ಪಾಲಿಸಿದಳಾ ತಾಯಿ ದೇವಕಿ!!
ನೀನಿರುವ ಗುಂಗಲ್ಲಿ
ಬರಿ ಮಡಿಲ ಸವರುತ್ತ
ಪೋಶಿಸಿದಳಾ ತಾಯಿ ದೇವಕಿ!!
ನಿನ್ನ ಒಂದು ಅಪ್ಪುಗೆಗೆ
ಹಗಲಿರುಳು ಸೆರೆಯಲ್ಲಿ
ಕಾದಿರುವಳಾ ತಾಯಿ ದೇವಕಿ!!
- ಪಿ.ಜಿ.ಜ್ಯೋತಿ
06 Oct 2019, 10:59 am
Download App from Playstore: