ನಿನ್ನುಸಿರ ಸದ್ದನ್ನು
ನಿನ್ನುಸಿರ ಸದ್ದನ್ನು ನಿಶಬ್ದದಲ್ಲಿ
ಕಟ್ಟಿಹಾಕುತಿರುವೆ ನಿಂದಿಸಬೇಡ
ನನ್ನುಸಿರು ಹೂವಾಗಿಹುದು ನಿನ್ನ
ಪ್ರೀತಿ ಘಮದಲ್ಲಿ.
ನಿನ್ನೆದುರು ಬಾರದೆ ನಾ ಕದ್ದ
ನಿನ್ನ ಏಕಾಂತಕೆ ಹೆಸರೊಂದ
ಇಟ್ಟಿರುವೆ ವಿರಹವೆಂದು ಹಾಗೆ
ಸುಮ್ಮನೆ,
ಕೋಪಿಸಿಕ್ಕೊಳ್ಳಬೇಡ ಅದಕೂ
ಉತ್ತರವಿದೆ ಒಲವ ದಾರಿಯಲಿ
ನಡೆದ ಪಾದಕೆ ನಿನ್ನ ನೆನಪಿನ
ಗುರುತು ಇನ್ನು ಅಂಟಿದೆ.
ನನ್ನೆಡೆಗೆ ನೀ ನೋಡಿ ನಕ್ಕಾಗ ನಾಚಿ
ನಾನೋಡಿ ಬಂದಿರುವೆ, ಕಾಲ್ಗೆಜ್ಜೆಗಿನಿತು
ಆಸೆ ಹೆಚ್ಚಂತೆ ನನ್ನಿಂದ ದೂರಾಗಿ ನೀ
ಬರುವ ಹಾದಿಗೆ ಕಾದು ಕುಳಿತಿದೆ.
ಒಲವ ಮಾಲೆ ಕಟ್ಟಿ ನಾ ಮುಡಿಯುವ
ಮುನ್ನ ತಿಳಿ ಸಂಜೆಗೆಂಪಾಗ ನನ್ನ ಆವರಿಸು, ಅಪೂರ್ಣವಾದ ಹೆಸರಿಗೆ ಪರಿಪೂರ್ಣವಾದ
ನಿನ್ನೆಸರನೊಮ್ಮೆ ಸೇರಿಸು
ಮಡದಿಯಾಗುವೆ ನಿನ್ನ ಕನಸು ಕದ್ದ
ಚೆಲುವೆಯರ ಸವತಿಯಾಗುವೆ.
- ಚುಕ್ಕಿ
20 Oct 2019, 07:30 am
Download App from Playstore: