ತಂದೆ - ಮಗಳು
ಮಳೆಯದು ಬಂದಿತು
ಮನವದು ಮಿಂದಿತು
ಹೊಸದದು ಸೃಷ್ಟಿಯು ಶುರುವಾಯ್ತು
ನಿನ್ನಯ ಒಡಲೊಳು
ಗರ್ಭವು ಚಿಗುರಿತು
ನನ್ನಯ ಆಸೆಗೆ ವರವಾಯ್ತು
ನವಮಿಗೆ ಬಂದಳು
ಹರುಷವ ತಂದಳು
ಕುವರಿಯು ನನ್ನಯ ಮನೆಬೆಳಗಿ
ಎಲ್ಲರ ಮನದಲು
ದೀಪವ ಬೆಳಗುತ
ತಂದಳು ಲಕುಮಿಯು ಭಾಗ್ಯವನು
ಅಂಬೆಯ ಗಾಲನು
ಇಕ್ಕುತ ಓಡಲು
ಕಂಡೆನು ಶಾರದೆ ದೇವಿಯನೂ
ಮೊದಲನೆ ಮಾತನು
ಆಡಲು ನೀನದು
ಮೂಕನು ಆದೆನು ಹರುಷದಲಿ
ಮಗಳನು ಶಾಲೆಗೆ
ಬಿಡಲದು ಆಯಿತು
ಮನಕದು ಅಂಜಿಕೆ ತಿಳಿಯದೆಯೇ
ಮೊಗ್ಗದು ಅರಳಲು
ಮನಕಾ ತಂಕವು
ಹರುಷವು ಆಯಿತು ಜೊತೆಯಲಿಯೇ
ಮದುವೆಯು ನಿಶ್ಚಯ
ವಾಗಲು ಅನಿಸಿತು
ಕೆಲದಿನ ದತಿಥಿಯು ನೀನೆಂದೂ
ಮದುವೆಯ ದಿಬ್ಬಣ
ಹೊರಡಲು ಅನಿಸಿತು
ಹೃದಯದಿ ಹೂವನು ಕಿತ್ತಂತೇ
ವರುಷಗ ಗಳುರುಳಿತು
ಮಗಳಲಿ ಚಿಗುರಿತು
ಕುಡಿಯದು ತಂದೂ ನಗುವೆನಗೇ
ಲಕುಮಿಯು ಬಂದಳು
ನವಮಿಗೆ ತಂದಳು
ನೆನಪದು ನಿನ್ನಯ ಮತ್ತೆನಗೇ!!!
- ಜೈಮಿನಿ
21 Oct 2019, 09:40 pm
Download App from Playstore: