ವರ್ತಮಾನ ತಲ್ಲಣವು
ಕವಿತೆ.
ವರ್ತಮಾನ ತಲ್ಲಣವು.
ಮತ್ತೆ ಮತ್ತೆ ಎದ್ದು ಬರುವ ಇತಿಹಾಸದ ಯುದ್ಧಗಳು,
ಮೋಕ್ಷವಿರದ ಪ್ರೇತಗಳು.
ಹುಗಿದಿದ್ದ ಕತ್ತಿಗಳು, ಕೊಲುವಾಟ ವರಸೆಗಳು
ವರ್ತಮಾನ ತಲ್ಲಣವು,
ವರ್ತಮಾನ ತಲ್ಲಣವು.
ಭೂಗರ್ಭದಿ ಸೇರಿದ್ದ ಒಣ ಮಣ್ಣಿನ ಕಣದಲಿ
ಅವನಿರಿದ ಇವ ತಿವಿದ, ಒಣ ರಕ್ತದ ಕಥೆಗಳು.
ಮತ್ತೆ ಮತ್ತೆ ಮೇಲೆ ಚಿಮ್ಮಿ ಕೆರಳಿಸುವಾ ಪರಿಯಿದು.
ವರ್ತಮಾನ ತಲ್ಲಣವು ವರ್ತಮಾನ ತಲ್ಲಣವು.
ಕಟ್ಟೋಣ ನಾಡೊಂದ
ನಾಳೆಗೆ ಇರಲೆಂದು,
ಮುಂದಿನ ಪೀಳಿಗೆಗೆ
ನೆಮ್ಮದಿಯ ಗೂಡೊಂದ
ವರ್ತಮಾನ ಚಿಂತನೆಯು
ಹೊಸ ಬದುಕಿನ ಕಲ್ಪನೆಯು
ಬೂದಿಯಾ ಅಡಿಯಿಂದ
ದ್ವೇಷಾಗ್ನಿ ಕೆಂಡಗಳು.
ಮತ್ತೆ ಮತ್ತೆ ಬುಗ್ಗೆಂದು ಸುಡುತಿಹುದು.
ಮತ್ತದೇ_ಯುದ್ಧದ_
ಇತಿಹಾಸ_ನಾಳೆಗೂ
ಯುಗ_ಯುಗಕೂ_ಯುದ್ದಗಳೇ
ನಮ್ಮನಾಳ್ವ_ದೊರೆಗಳು.
ವರ್ತಮಾನ_ತಲ್ಲಣವು.
ಎಂಜಿಹೆಗಡೆ
- m.g hegde
02 Nov 2019, 10:41 am
Download App from Playstore: